୪ ବର୍ଷର ଶିଶୁକୁ ଦୁଷ୍କର୍ମ, ଅଭିଯୁକ୍ତ ଗିରଫ
1 min read
ଢେଙ୍କାନାଳ: ବୁଲୁଛନ୍ତି ଯୌନ ପିପାସୁ । ଘର ବି ସୁରକ୍ଷିତ ନୁହେଁ । ଏମିତି ଯୌନ ରାକ୍ଷସ ଦେଖୁ ନାହାନ୍ତି ବୟସ । ନିଜର ଭୋକ ମେଣ୍ଟାଇବାକୁ ଶିଶୁଙ୍କୁ ବି ଛାଡୁନାହାନ୍ତି । ଏମିତି ଏକ ଘଟଣାରେ ଡେଙ୍କାନାଳରେ ଜଣେ ଦୁଷ୍କର୍ମ ଅଭିଯୁକ୍ତକୁ ଗିରଫ କରିଛି ପୋଲିସ । ଏକ ୪ ବର୍ଷର ଶିଶୁକୁ ଦୁଷ୍କର୍ମ କରିବା ଅଭିଯୋଗରେ ତୁମୁସିଙ୍ଗା ପୋଲିସ ତାକୁ ବାନ୍ଧିଛି । ଢେଙ୍କାନାଳ ଜିଲ୍ଲା ତୁମୁସିଙ୍ଗା ଥାନା ଅଞ୍ଚଳରେ ଘଟିଛି ଏମିତି ଘଟଣା ।
ଅଭିଯୋଗ ଅନୁସାରେ ଥାନା ଅଞ୍ଚଳରେ ଜଣେ ୪ ବର୍ଷର ଶିଶୁ ଘରେ ଏକୁଟିଆ ଥିବାବେଳେ ଅଭିଯୁକ୍ତ ଜଣକ ତାକୁ ଦୁଷ୍କର୍ମ କରିଥିଲା । ଏ ସମ୍ପର୍କରେ ପରିବାର ଲୋକେ ଜାଣିବା ପରେ ଥାନାରେ ଅଭିଯୋଗ କରିଥିଲେ l ପରିବାର ଲୋକଙ୍କ ଅଭିଯୋଗ ଆଧାରରେ ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିଥିଲା । ପରେ ପୋସ୍କୋ ଆକ୍ଟ ୨୦୧୨ ଅନୁସାରେ ମାମଲା ରୁଜୁ କରି ଅଭିଯୁକ୍ତକୁ କୋର୍ଟଚାଲାଣ କରିଛି l
