ବାଇଗଣ ପାଇଁ ପରିବା ଦୋକନୀଙ୍କୁ ଛୁରାମାଡ଼

ବାଙ୍କୀ: ବାଇଗଣ ପାଇଁ ପରିବା ଦୋକାନୀଙ୍କୁ ଚୁରାମାଡ଼ । ଘଟଣା ଘଟିଛି ବାରଙ୍ଗ ବଜାର ପରିବା ମାର୍କେଟରେ । ବାଇଗଣ ମୂଲଚାଲକୁ ନେଇ ହୋଇଥିଲା ବିବାଦ । ନନ୍ଦନକାନନର ଜଣେ ଗାଇଡ୍ ଆକ୍ରମଣ କରିଥିଲା ଅଭିଯୋଗ । ଆହତ ପରିବା ବ୍ଯବସାୟୀ ହେଲେ ବୁଲୁ ଜେନା । ଛୁରା ମାଡ଼ କରିବା ପରେ ଆକ୍ରମଣକାରୀ ଟୁଲୁ ବେହେରା ଫେରାର ହୋଇଯାଇଛନ୍ତି ।

ମିଳିଥିବା ସୂଚନା ଅନୁସାରେ, ଟୁଲୁ ପରିବା ମାର୍କେଟକୁ ଯାଇଥିଲେ । ବୁଲୁଙ୍କ ଦୋକାନରେ ପହଞ୍ଚି ବାଇଗଣ ମୂଲଚାଲ କରିଥିଲେ । ଯାହାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତ୍ତ୍ଯକ୍ତ ହୋଇ ଛୁରୀରେ ଆକ୍ରମଣ କରିଥିଲା ଟୁଲୁ । ବୁଲୁର ମୁଣ୍ଡ ଓ ଡାହଣ ହାତରେ ଗଭୀର ଆଘାତ ଲାଗିଛି । ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।