କିଏ ହେବେ ପିସିସି ସଭାପତି ? ଏଯାଏଁ ଆସିଲାନି ହାଇକମାଣ୍ଡଙ୍କ ନିଷ୍ପତ୍ତି

ନନ୍ଦିଘୋଷ ବ୍ୟୁରୋ: ତିନି ସପ୍ତାହରୁ ଅଧିକ ସମୟ ବିତିଗଲାଣି । ହେଲେ ପିସିସି ସଭାପତି କିଏ ହେବ ସେ ନେଇ ସସପେନ୍ସ ହଟୁନି । ଅନ୍ଯପଟେ ଅନେକ ବରିଷ୍ଠ ନେତା ଆଉ ପିସିସି ସଭାପତି ହେବାକୁ ସିଧା ମନା କରିଦେଇଛନ୍ତି । ଜଣକ ପରେ ଜଣେ ନେତା ଓହରିଯାଉଛନ୍ତି । କମିଟି ଭାଙ୍ଗିବା ପରେ ବି ଏଯାଏ ହାଇକମାଣ୍ଡ ନୂଆ ପିସିସି ସଭାପତି ନା ଘୋଷଣା କରିନାହାନ୍ତି l ପିସିସି ସଭାପତି ରେସରେ ମୁଁ ନାହିଁ , କିଏ କହିଲେ ବି ହେବାର ନାହିଁ ବୋଲି ପୂର୍ବତନ ପିସିସି ସଭାପତି ନିରଂଜନ ପଟ୍ଟନାୟକ କହିଛନ୍ତି l ବରିଷ୍ଠ ନୁହେଁ, ଯୁବ ଗୋଷ୍ଠୀଙ୍କୁ କଂଗ୍ରେସର ନେତୃତ୍ଵ ନେବାକୁ ଛଡ଼ାଯାଉ ବୋଲି ନିରଂଜନ ପ୍ରସ୍ତାବ ଦେଇଛନ୍ତି l ଅନ୍ୟପଟେ ଜୟଦେବ ଜେନା କହିଛନ୍ତି ଯେ ଦୁଇଥର ପିସିସି ସଭାପତି ହୋଇଛି l ଆଉ ହେବାକୁ ଇଛା ନାହିଁ l ହାଇକମାଣ୍ଡ ଯାହାକୁ ପିସିସି ସଭାପତି କରିବେ, ସେ ତାଙ୍କୁ ସହଯୋଗ କରିବେ ବୋଲି କହିଛନ୍ତି l ସେହିପରି ଏଆଇସିସି ତୁରନ୍ତ ପିସିସି ସଭାପତି ନା ଘୋଷଣା କରନ୍ତୁ ବୋଲି ଦାବି କରିଛନ୍ତି ବରିଷ୍ଠ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି l ଜଣେ ଦକ୍ଷ ନେତାଙ୍କୁ ପିସିସି ସଭାପତି ଦାୟିତ୍ୱ ଦିଆଯାଉ l ଯେହେତୁ ବରିଷ୍ଠମାନେ ପିସିସି ସଭାପତି ହେବାକୁ ଇଚ୍ଛା ପ୍ରକାଶ କରୁନାହାନ୍ତି, ତାହା ଯୁବ ନେତାଙ୍କ ପାଇ ସୁବର୍ଣ୍ଣ ସୁଯୋଗ l ଏପରି କରି ଓଡିଶା କଂଗ୍ରେସ ସଂଗଠନକୁ ଚଳଚଞ୍ଚଳ କରିବାକୁ ଏଆଇସିସି ଫୋକସ କରୁ ବୋଲି ତାରା ପ୍ରସ୍ତାବ ଦେଇଛନ୍ତି l