କେରଳ ବିଭୀଷିକା : ବର୍ତ୍ତମାନ ସୁଦ୍ଧା ୩୮୭ ଜଣଙ୍କ ମୃତ୍ଯୁ

ୱାୟନାଡ଼ : କେରଳ ୱାୟନାଡ଼ ବିଭୀଷିକାରେ ବର୍ତ୍ତମାନ ସୁଦ୍ଧା ୩୮୭ ଜଣଙ୍କ ମୃତ୍ଯୁ ହୋଇଛି। ପରିଚୟ ମିଳି ପାରି ନ ଥିବା ବହୁ ମୃତଦେହକୁ ସଂସ୍କାର କରାଯାଉଛି। ପୁଥୁମାଲାରେ ପ୍ରଶାସନ ପକ୍ଷରୁ ଅଜଣା ମୃତଦେହକୁ ସାମୂହିକ ସଂସ୍କାର କରାଯାଇଛି। ୩୧ ମୃତଦେହକୁ ସାମୁହିକ ସଂସ୍କାର କରାଯାଇଛି।ଏହାପୂର୍ବରୁ ସମସ୍ତ ମୃତଦେହର ଡିଏନଏ ନମୁନା ସଂଗ୍ରହ କରାଯାଇଛି। ଯୁଦ୍ଧକାଳୀନ ଭିତ୍ତିରେ ଚାଲିଛି ଉଦ୍ଧାରକାର୍ଯ୍ୟ। ଏବେ ବି ମାଟି ତଳେ ଚାଲିଛି ଜୀବନ ଖୋଜା ।  ନିଖୋଜ ଅଛନ୍ତି ଅନେକ ଲୋକ। ଜୋରସୋରରେ ଚାଲିଛି ରେସକ୍ୟୁ ଅପରେସନ୍।  ସେନା, ଏନଡିଆରଏଫ୍, ଏସଡିଆରଏଫ୍, ସ୍ଥାନୀୟ ପୋଲିସ ଓ ସ୍ୱେଚ୍ଛାସେବୀଙ୍କୁ ମିଶାଇ ୧୫ଶହରୁ ଅଧିକ ଉଦ୍ଧାରକାରୀ ରେସକ୍ୟୁ ଅପରେସନରେ ଲାଗିଛନ୍ତି । ମଲ୍ଲପୁରମ ଓ କୋଝିକୋଡ ଦେଇ ବହିଯାଇଥିବା ଚଲିୟାର ନଦୀର ୪୦ କିଲୋମିଟର ଅଂଚଳରେ ଚାଲିଛି ସର୍ଚ୍ଚ ଅପରେସନ।