କମଳା ହାରିସ ଆରମ୍ଭ କରିବେ ବିଧିବଦ୍ଧ ନିର୍ବାଚନ ପ୍ରଚାର

ନନ୍ଦିଘୋଷ ବ୍ୟୁରୋ : ଜୋର ଧରିଲା ଆମେରିକା ରାଷ୍ଟ୍ରପତି ନିର୍ବାଚନ ପ୍ରଚାର । ଆଜିଠାରୁ ଡେମୋକ୍ରାଟିକ ରାଷ୍ଟ୍ରପତି ପ୍ରାର୍ଥୀ ତଥା ଉପରାଷ୍ଟ୍ରପତି କମଳା ହାରିସ ଆରମ୍ଭ କରିବେ ବିଧିବଦ୍ଧ ନିର୍ବାଚନ ପ୍ରଚାର । କେତେକ ପ୍ରମୁଖ ରାଜ୍ଯରେ ନିର୍ବାଚନ ପ୍ରଚାର କରିବେ କମଳା । ଦଳ ପକ୍ଷରୁ କମଳାଙ୍କ ବ୍ଯତୀତ ଅନ୍ଯ ଯେଉଁମାନେ ଆଶାୟୀ ଅଛନ୍ତି ସେମାନେ ହେଲେ ପେନସିଲଭାନିଆ ଗଭର୍ଣ୍ଣର ଜୋସ ସାପିରୋ, ଆରିଜୋନା ସିନେଟର ମାର୍କ କେଲି, ମିନେସୋଟା ଗଭର୍ଣ୍ଣର ଟିମ ଓ୍ବାଜ । ତେବେ ଡେମୋକ୍ରାଟିକ ପାର୍ଟି ପକ୍ଷରୁ ଏକମାତ୍ର ପ୍ରାର୍ଥୀ ଭାବେ ବିଧିବଦ୍ଧ ନିଜର ସମସ୍ତ ଦସ୍ତାବିଜ ଦାଖଲ କରିଛନ୍ତି କମଳା । ଗତ ଜୁଲାଇ ୩୧ରେ ରାଷ୍ଟ୍ରପତି ଜୋ ବାଇଡେନ ଡେମୋକ୍ରାଟିକ ଦଳ ପ୍ରାର୍ଥୀତ୍ବରୁ ଓହରିବା ସହ କମଳାଙ୍କ ନାମ ପ୍ରାର୍ଥୀ ଭାବେ ଘୋଷଣା କରିଥିଲେ । ଆସନ୍ତା ନଭେମ୍ବର ୫ ନିର୍ବାଚନରେ ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଓ ଡେମୋକ୍ରାଟିକ ପ୍ରାର୍ଥୀ କମଳା ହାରିସଙ୍କ ମଧ୍ଯରେ ପ୍ରତିଦ୍ବନ୍ଦ୍ବିତା ଏକରକମ ନିଶ୍ଚିତ ହୋଇଛି। ଧାରାବାହିକ ଭାବେ କମଳା ମିଚିଗାନ, ନର୍ଥ କାରୋଲିନା, ଫିନିସ୍କ, ନେଭାଡା ଆଦି ଗସ୍ତ କରିବେ।