ଶିମଲା: ହିମାଚଳ ପ୍ରଦେଶରେ ବାଦଲଫଟା ବର୍ଷାରେ ୭ ଜଣଙ୍କ ମୃତ୍ଯୁ। ଶିମଲା, ମଣ୍ଡି ଓ କୁଲ୍ଲୁରେ ବାଦଲ ବର୍ଷା ତାଣ୍ଡବ ରଚିଛି। ୫୦ ଜଣ ନିଖୋଜ ହୋଇଯାଇଛନ୍ତି। ବାଦଲ ଫଟା ବର୍ଷା ପରେ ଭୂସ୍ଖଳନରୁ ବ୍ଯାପକ କ୍ଷୟକ୍ଷତି ଘଟିଛି। ଭୂସ୍ଖଳନରୁ ଅନେକ ରାସ୍ତାରେ ମାଟି ଅତଡା ପଡି ଅବରୋଧ ହୋଇଛି। ଏଥିଯୋଗୁଁ ଉଦ୍ଧାରକାର୍ଯ୍ୟରେ ବାଧା ସୃଷ୍ଟି ହୋଇଛି।
ପ୍ରଭାବିତ ଅଞ୍ଚଳରେ ଉଦ୍ଧାରକାରୀ ଟିମ ପହଞ୍ଚିବାକୁ ଅନେକ ପରିଶ୍ରମ କରିବାକୁ ପଡୁଛି। ଏବେବି ପ୍ରବଳ ବର୍ଷା ଲାଗି ରହିଛି। ବର୍ଷା ଓ ଭୂସ୍ଖଳନ ପରେ ଏବେ ଭୂକମ୍ପର ଝଟକା ଅନୁଭୂତ ହୋଇଛି।
ହିମାଚଳ ପ୍ରଦେଶ ଲାହୋଲ ଓ ସ୍ପିତିରେ ଭୂକମ୍ପର ଝଟକା ଅନୁଭୂତ ହୋଇଛି। ଲାହୋଲ ଓ ସ୍ପିତିରେ ୩.୨ ତୀବ୍ରତାର ଭୂକମ୍ପ ଅନୁଭୂତ ହୋଇଛି। ତେବେ ଭୂକମ୍ପରୁ କୌଣସି କ୍ଷୟକ୍ଷତି ନେଇ ସୂଚନା ମିଳିନାହିଁ।
