ପୋଖରୀରେ ବୁଡ଼ି ନାବାଳକ ମୃତ

ନୟାଗଡ଼: ପୋଖରୀରେ ବୁଡ଼ି ନାବାଳକ ମୃତ। ନୟାଗଡ଼ ଜିଲ୍ଲା ଚାନ୍ଦପୁର ଥାନା କୁକୁଡ଼ା ଝରି ଗାଁରେ ଘଟିଛି ଅଭାବନୀୟ ଘଟଣା। ମୃତକ ନାବାଳକ ହେଲେ ସୂର୍ଯ୍ୟକାନ୍ତ ବେହେରା। ବୟସ ୮ ବର୍ଷ। ଗତକାଲି ଠାରୁ ଘରୁ ନିଖୋଜ ଥିଲେ ନାବାଳକ। ପରିବାର ଲୋକେ ବହୁ ଖୋଜା ଖୋଜି ପରେ ନାବାଳକର ପତ୍ତା ପାଇ ନଥିଲେ। ସକାଳୁ ଗାଁ ଲୋକେ ପୋଖରୀରୁ ମୃତଦେହ ଭାସୁଥିବାର ଦେଖିଥିଲେ । ଏହାପରେ ସୂର୍ଯ୍ୟକାନ୍ତଙ୍କ ମୃତଦେହକୁ ପାଣିରୁ ଉଦ୍ଧାର କରି ପରିବାରକୁ ଖବର ଦେଇଥିଲେ ଗାଁ ଲୋକ।

ଖବର ପାଇ ଚାନ୍ଦପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଶୌଚ ହେବା ପାଇଁ ପୋଖରୀକୁ ଯାଇଥିବା ବେଳେ ବର୍ଷା ଯୋଗୁଁ ଗୋଡ଼ ଖସି ଯାଇଥିବା ଅନୁମାନ କରାଯାଉଛି।