ବୁଲା ଷଣ୍ଢକୁ ଧକ୍କା ଦେଇ ଅଟକିଗଲା ଦୀନଦୟାଲ ଏକ୍ସପ୍ରେସ

ନନ୍ଦିଘୋଷ ବ୍ୟୁରୋ: ଷଣ୍ଢକୁ ପିଟିଲା ଟ୍ରେନ । ଖୋର୍ଦ୍ଧା ରେଳ ଡିଭିଜନ କାଳୁପଡା ଘାଟ ଷ୍ଟେସନ ନିକଟରେ ବୁଲା ଷଣ୍ଢକୁ ଦୀନଦୟାଲ ଏକ୍ସପ୍ରେସ ଟ୍ରେନ ଧକ୍କା ଦେବାରୁ ଷଣ୍ଢର ମୃତ୍ଯୁ ହୋଇଯାଇଥିଲା । ଷଣ୍ଢଟି ଟ୍ରେନ ଭିତରେ ଲାଖି ଯିବାରୁ ଇଞ୍ଜିନ ଅଚଳ ହୋଇଯାଇଥିଲା । ଫଳରେ ଦେଢ ଘଣ୍ଟା ଧରି ଟ୍ରେନଟି ଅଟକି ରହିଥିଲା । ତେବେ ବହୁ ବିଳମ୍ବରେ ଟେକ୍ନିକାଲ ଟିମ ପହଞ୍ଚି ମରାମତି କରିବା ପରେ ଟ୍ରେନଟି ବିଶାଖାପାଟଣା ଅଭିମୁଖେ ଯାତ୍ରା କରିଛି । ଟ୍ରେନଟି ଅମୃତସରରୁ ବିଶାଖାପାଟଣା ଯାଉଥିଲା ।