ନୁଆଦିଲ୍ଲୀ: ବଲିଉଡ୍ ଅଭିନେତା ଅମିତାଭ ବଚ୍ଚନ ଅସୁସ୍ଥତା କାରଣରୁ ଆଜି ଅନୁଷ୍ଠିତ ହୋଇଥିବା ଜାତୀୟ ଚଳଚିତ୍ର ପୁରଷ୍କାର ବିତରଣ ଉତ୍ସବରେ ଯୋଗ ଦେଇ ପାରିନଥିଲେ । ଏହି ଉତ୍ସବରେ ଅମିତାଭଙ୍କୁ ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କ ଦ୍ୱାରା ଦାଦାସାହେବ ଫାଲକେ ପୁରଷ୍କାରରେ ସମ୍ମାନିତ କରିବାର କାର୍ଯ୍ୟକ୍ରମ ରହିଥିଲା । ତେବେ ସେ ଆଗରୁ ଏହି ଉତ୍ସବରେ ଯୋଗ ଦେଇପାରିବେନି ବୋଲି ଟ୍ୱିଟ୍ କରି ଜଣାଇ ଥିଲେ । ଏହା ତାଙ୍କ ଦୁର୍ଭାଗ୍ୟଜନକ ବୋଲି ମନେକରି କ୍ଷମା ମଧ୍ୟ ମାଗିଛନ୍ତି । ସେ ଟ୍ୱିଟରରେ ସ୍ପଷ୍ଟ ଲେଖିଛନ୍ତି ଯେ, ତାଙ୍କୁ ଜ୍ୱର ହେଇଥିବା କାରଣରୁ ଡାକ୍ତର ତାଙ୍କୁ ଯାତ୍ରା କରିବାକୁ ବାରଣ କରିଛନ୍ତି ।
ସୂଚନାଯୋଗ୍ୟ ଯେ, ବିଜ୍ଞାନ ଭବନରେ ହେଉଥିବା ଏହି ଉତ୍ସବରେ କେନ୍ଦ୍ର ମନ୍ତ୍ରୀ ପ୍ରକାଶ ଯାବଡେକର ଉପସ୍ଥିତ ରହିଥିଲେ ଏବଂ ଉତ୍ସବ ପରେ ରାଷ୍ଟ୍ରପତି ରାମନାଥ କୋବିନ୍ଦ ବିଜେତା ମାନଙ୍କୁ ହାଇ ଟି’ ରେ ଆପ୍ୟାୟିତ କରିଥିଲେ ।
