ବିଫଳ ପ୍ରେମିକର ଆକ୍ରୋଶର ଶିକାର ହେଲା ଗୁଣିଆ

ପାଟକୁରା : ବିଫଳ ପ୍ରେମିକର ଆକ୍ରୋଶର ଶିକାର ହେଲା ଗୁଣିଆ । ଆଶ୍ରମରୁ ଟେକିଆଣି ନିସ୍ତୁକ ପିଟିଲେ ଯୁବକ । ଡେରାବିଶ ବ୍ଲକ ଚାନ୍ଦୋଳ ଫାଣ୍ଡି ଅନ୍ତର୍ଗତ ଅଢଙ୍ଗା ଗାଁରେ ଏଭଳି ଘଟଣା ଦେଖିବାକୁ ମିଳିଛି । ଗୁଣିଗାରେଡ଼ି ମାଧ୍ଯମରେ ବଳଭଦ୍ର ସିଂ ନାମକ ଜଣେ ଯୁବକଙ୍କର ପ୍ରେମ ଜନିତ ସମସ୍ଯାର ସମାଧାନ ପାଇଁ ପ୍ରତିଶୃତି ଦେଇଥିଲା ହରିଅଙ୍କ ଅଞ୍ଚଳର ଗୁଣିଆ ବାବା କୈଳାସ ଦାସ । ଏଥିପାଇଁ ନିଜ ସହଯୋଗୀ ହରିଆ ମିଶ୍ର ସହାୟତାରେ ଲକ୍ଷାଧିକ ଟଙ୍କା ମଧ୍ଯ ନେଇଥିଲା । ହେଲେ କୌଣସି ପ୍ରଭାବ ନପଡ଼ିବାରୁ ବଳଭଦ୍ର ସହଯୋଗୀମାନଙ୍କ ସହ ମିଶି ଗୁଣିଆ ବାବା ଓ ତାଙ୍କ ଶିଷ୍ୟଙ୍କୁ ମାଡ଼ମାରି ଲହୁଲୁହାଣ କରିଥିଲେ । ସ୍ଥାନୀୟ ଲୋକମାନେ ଉଭୟଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛ୍ନତି । ପୋଲିସ ଆକ୍ରମଣକାରୀ ବଳଭଦ୍ର ସିଂଙ୍କୁ ଗିରଫ କରି କୋର୍ଟଚାଲାଣ କରିଛନ୍ତି । ଆହତ ଗୁଣିଆ ବାବା ମଧ୍ଯ ନିଜ ଦୋଷ ସ୍ବୀକାର କରିଛି ।