ଘରେ ଶୋଇଥିବା ବେଳେ ସ୍ୱାମୀ-ସ୍ତ୍ରୀଙ୍କୁ ନିର୍ମମ ହତ୍ୟା
1 min read
ନନ୍ଦିଘୋଷ ବ୍ୟୁରୋ: ରେଢ଼ାଖୋଲ ଥାନା ଘୁଷୁରାମାଳ ପଞ୍ଚାୟତ ପାଣ୍ଡରିଶିଳା ଗାଁରେ ଡବଲ ମର୍ଡର। ସ୍ୱାମୀ-ସ୍ତ୍ରୀଙ୍କୁ ଟାଙ୍ଗିଆ ଓ ଭୁଜାଲିରେ ହାଣି ଫେରାର ହୋଇଯାଇଛନ୍ତି ଦୁର୍ବୃତ୍ତ। ଘର ଭିତରୁ ରକ୍ତାକ୍ତ ଅବସ୍ଥାରେ ମୃତଦେହ ଜବତ କରାଯାଇଛି।
ସୂଚନା ଅନୁଯାୟୀ, ଗତକାଲି ରାତିରେ ସ୍ୱାମୀ ଆଭାରମ କୁଜୁର ଓ ସ୍ତ୍ରୀ କୁଆଁରୀ କୁଜୁର ଶୋଇଥିବା ବେଳେ, କେହି ଦୁର୍ବୃତ୍ତ ଟାଙ୍ଗିଆ ଓ ଭୁଜାଲିରେ ବେକ କାଟି ଫେରାର ହୋଇଯାଇଛି। ସ୍ୱାମୀ ଘର ବାରଣ୍ଡାରେ ଶୋଇଥିବା ଅବସ୍ଥାରେ ତାକୁ ପ୍ରଥମେ ହାଣିବା ପରେ, ଘର ଭିତରେ ଶୋଇଥିବା ସ୍ତ୍ରୀଙ୍କୁ ହାଣିଥିଲେ ଦୁର୍ବୃତ୍ତ। ଚିତ୍କାର ଶୁଣି ପରିବାର ଲୋକ ଦୌଡି ଆସିବା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲା ଦୁର୍ବୃତ୍ତ। ପରିବାର ଲୋକ ତାଙ୍କ ଭିଣୋଇଙ୍କୁ ସନ୍ଦେହ କରୁଥିବା ଜଣାପଡିଛି। ଘଟଣାସ୍ଥଳରେ ରେଢ଼ାଖୋଲ ଆଇଆଇସି ଓ ଏସଡିପିଓ ପହଞ୍ଚି ତଦନ୍ତ ଜାରି ରଖିଛନ୍ତି।
