ମଶାଣିକୁ ମହିଳାଙ୍କ ଶବ ନେବା ବେଳେ ଜବତ କଲା ପୋଲିସ, ପୁଅ ଅଟକ

ଛେଣ୍ଡିପଦା: ମାଆ ଚାଲିଗଲେ । ମାଆଙ୍କ ମୃତ୍ୟୁରେ ଭାଙ୍ଗି ପଡ଼ିଥିଲେ ପୁଅ । ସାହି ପଡୋଶୀଙ୍କ ସହାୟତାରେ ଗାଁ ମଶାଣିକୁ ସତ୍କାର ପାଇଁ ମୃତଦେହ ନେଉଥିଲେ । ହେଲେ ପହଞ୍ଚି ଗଲା ପୋଲିସ । ଶବ ଜବତ କରିବା ସହ ପୁଅକୁ ଥାନାକୁ ଆଣି ପଚରାଉଚରା କରୁଛି । ଏମିତି ଘଟଣା ଘଟିଛି ଛେଣ୍ଡିପଦା ବାଗଡ଼ିଆ ଥାନା ଅଞ୍ଚ ପାତ୍ରପଡ଼ା ଗାଁରେ ।

ମିଳିଥିବା ସୂଚନା ଅନୁସାରେ, ଅନୁଗୋଳ ବାଗଡିଆ ଥାନା ପାତ୍ରପଡା ଗାଁରେ ଜନ୍ମୀ ବେହେରା ପୁଅ ସହ ରହୁଥିଲେ । ଗତ ରାତିରେ ହଠାତ ମହିଳାଙ୍କ ମୃତ୍ୟୁ ଘଟିଥିଲା । ମାଆଙ୍କ ମୃତ୍ୟୁ ସନ୍ଦେହଜନକ ଥିଲେ ବି ପୁଅ ପୋଲିସକୁ ଖବର ଦେବା ବଦଳରେ କିଛି ଲୋକଙ୍କ ସହାୟତାରେ ଶବ ସତ୍କାର ପାଇଁ ମଶାଣିକୁ ନେଉଥିଲେ । ଏନେଇ ବାଗଡିଆ ପୋଲିସ ଖବର ପାଇବା ପରେ ଗାଁରେ ପହଞ୍ଚି ମୃତଦେହକୁ ଜବତ କରିଥିଲା ।