ରୋଗୀଙ୍କୁ ମିଳୁନି ଔଷଧ: ବରଗଡ଼ ସରକାରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ପଡ଼ିଛି ଗଦା ଗଦା ଏକ୍ସପାଏରି ମେଡିସିନ୍
1 min read
ବରଗଡ଼: ଷ୍ଟୋର ରୁମରେ ଗଦା ହୋଇ ପଡିଛି ଏକ୍ସପାଏରି ମେଡିସିନ୍। ବରଗଡ ଜିଲ୍ଲା ମୁଖ୍ଯ ଚିକିତ୍ସାଳୟ ସମେତ ସହରର ଅନେକ ହସ୍ପିଟାଲରେ ମେଡିସିନରୁ ବଞ୍ଚିତ ହେଉଛନ୍ତି ରୋଗୀ। ଏକ୍ସପାଏରି ମେଡିସିନ୍ ପଡିରହିଥିବା ବେଳେ ବେସରକାରୀ ଷ୍ଟୋରରୁ ମେଡିସିନ୍ ନେବାରୁ ଡାକ୍ତର ପରାମର୍ଶ ଦେଉଥିବା ଅଭିଯୋଗ ହେଉଛି।
ରାଜ୍ୟର ବିଭିନ୍ନ ହସ୍ପିଟାଲକୁ ସରକାର ମାଗଣାରେ ଔଷଧ ଯୋଗାଉଥିବା ବେଳେ ମେଡିସିନ୍ ରୋଗୀଙ୍କ ପାଖରେ ପହଞ୍ଚିପାରୁନି। ଲକ୍ଷାଧିକ ଟଙ୍କାର ଔଷଧ ଏକ୍ସପାଏରି ହୋଇ ପଡିରହିବା ଦର୍ଶାଉଛି ସ୍ଥାନୀୟ ସ୍ୱାସ୍ଥ୍ୟ ଅଧିକାରୀଙ୍କ ଅବହେଳାର ଚିତ୍ର।
ଅନେକ ଗରିବ ରୋଗୀ ସରକାରୀ ହସ୍ପିଟାଲକୁ ଆସି ଡାକ୍ତର ଦେଖାଇ ଔଷଧ ନଥିବାରୁ ଫେରିଯାଉଥିବା ବେଳେ ଲକ୍ଷ ଲକ୍ଷ ଟଙ୍କାର ଔଷଧ ନଷ୍ଟ ହେଉଛି। ଭିଟାମିନ ସିରପ, ଟାବଲେଟ ଓ ଇଞ୍ଜେକସନ ଗୁଡିକ ହସ୍ପିଟାଲ ଷ୍ଟୋର ରୁମରେ ପଡି ଏକ୍ସପାଏରି ହେଉଛି। ତେବେ ରୋଗୀଙ୍କୁ ମେଡିସିନ୍ ନମିଳିଲେ ପ୍ରାଇଭେଟ୍ ଷ୍ଟୋରରୁ ଔଷଧ କିଣିବାକୁ କୁହାଯାଉଥିବା ଲୋକେ ଅଭିଯୋଗ କରିଛନ୍ତି। ଏନେଇ ବରଗଡ CDMOଙ୍କୁ ପଚାରିବାରୁ, ସେ ଘଟଣାର ତଦନ୍ତ କରି ନିଶ୍ଚୟ କାର୍ଯ୍ୟାନୁଷ୍ଠାନ ନେବେ ବୋଲି କହିଛନ୍ତି।
