୮ ବର୍ଷ ବୟସରେ ୧୮୪ କୋଟି ଟଙ୍କାର ମାଲିକ
ନ୍ୟୁୟର୍କ: ଜଣେ ୮ ବର୍ଷ ବୟସ୍କ ବାଳକଙ୍କ ଚଳିତ ବର୍ଷର ଆୟ ହେଉଛି ୧୮୪ କୋଟି ଟଙ୍କା (୨୬ ନିୟୁତ ଡଲାର) । ଆଶ୍ଟର୍ଯ୍ୟ ହୋଇଗଲେ ନା ! ଏମିତି ଖବର ଶୁଣିଲେ ଯେ କେହି ବି ଆଶ୍ଚର୍ଯ୍ୟ ହୋଇଯିବେ । ତେବେ ଏହି ଘଟଣା ସଂପୂର୍ଣ୍ଣ ଭାବରେ ସତ୍ୟ । ରେୟାନ କାଜି ନାମକ ଜଣେ ବାଳକ ଏପରି କରି ଦେଖାଇଛନ୍ତି ।
ତାଙ୍କର ପ୍ରକୃତ ନାମ ରେୟାନ ଗୌନ୍ । ୨୦୧୫ରେ ମାତ୍ର ସାଢ଼େ ୩ ବର୍ଷ ବୟସରେ ରେୟାନ୍ସ୍ ୱାଲର୍ଡ ନାମକ ଏକ ୟୁଟ୍ୟୁବ୍ ଚ୍ୟାନେଲ ଆରମ୍ଭ କରିଥିଲେ। ଗତ ୩ ବର୍ଷ ମଧ୍ୟରେ ତାଙ୍କ ଚ୍ୟାନେଲକୁ ୩୫ ଶହ କୋଟି ଭିୟୁ ମିଳିଛି ।
ଇତିମଧ୍ୟରେ ୨୦୧୯ ସୁଦ୍ଧା ତାଙ୍କର ଚ୍ୟାନେଲର ସବ୍ସ୍କ୍ରାଇବର ସଂଖ୍ୟା ୨୨୯ ଲକ୍ଷ। ଫୋବର୍ସ ପତ୍ରିକା ଅନୁସାରେ ୨୦୧୮ରେ ତାଙ୍କର ରୋଜଗାର ୨୨ ନିୟୁତ ଡଲାର ଥିଲା। ତେବେ ରେୟାନଙ୍କ ଭିଡ଼ିଓକୁ ତାଙ୍କ ମାତାପିତା ୟୁଟ୍ୟୁବ୍ରେ ଅପ୍ଲୋଡ୍ କରିଥାନ୍ତି ।
