ବିପୁଳ ପରିମାଣର କଫ ସିରଫ ଓ ନିଶା ଇଞ୍ଜେକ୍ସନ ଜବତ କଲା ବରଗଡ଼ ପୋଲିସ
ବରଗଡ଼: ବରଗଡ଼ ପୋଲିସ ଦ୍ୱାରା ବିପୁଳ ପରିମାଣର କଫ ସିରଫ ଓ ନିଶା ଇଞ୍ଜେକ୍ସନ ଜବତ ହୋଇଛି। ନିଶା ବଟିକା ସହ ନଗଦ ଟଙ୍କା ଜବତ କରିବା ସହ ଜଣଙ୍କୁ ଗିରଫ କରାଯାଇଛି। ଶନିବାର ଟାଉନ ଥାନା ପୋଲିସ ସହରର ୱାର୍ଡ ନମ୍ବର ୧ ମାଲପଡ଼ାର ଏକ ଘରେ ଚଢ଼ାଉ କରି ବିପୁଳ ପରିମାଣର କଫ ସିରଫ, ନିଶା ଇଂଜେକସନ, ନିଶା ବଟିକା ଜବତ କରିଛି। ଏହି ଘଟଣାରେ ଘର ମାଲିକ ବୁଲୁ ସାହୁଙ୍କୁ ଗିରଫ କରି ପୋଲିସ ତଦନ୍ତ ଜାରି ରଖିଛି ।
ବରଗଡ଼ ସହରରେ ଦିନକୁ ଦିନ ନିଶା କାରବାର ବୃଦ୍ଧି ହେବା ସହ ଯୁବଗୋଷ୍ଠୀ ପଥଭ୍ରଷ୍ଟ ହେଉଛନ୍ତି । ଏହା ଉପରେ ଅଙ୍କୁଶ ଲଗାଇବା ପାଇଁ ବରଗଡ଼ ପୁଲିସ ପ୍ରଶାସନ ଚଢ଼ାଉ ଜାରି ରଖିଛି।
