ଆଜି ବସିବ ଶ୍ରୀମନ୍ଦିର ରତ୍ନ ଭଣ୍ଡାର ସ୍ୱତନ୍ତ୍ର କମିଟି ବୈଠକ

ପୁରୀ: ଆଜି ବସିବ ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା ନେଇ ରାଜ୍ୟ ସରକାରଙ୍କ ଉଚ୍ଚସ୍ଥରୀୟ ସ୍ୱତନ୍ତ୍ର କମିଟି ବୈଠକ । ଶ୍ରୀମନ୍ଦିର କାର୍ଯ୍ୟାଳୟ ପରିସରରେ ଦିନ ୧୧ ଟାରେ  କମିଟିର ଅଧକ୍ଷ ଜଷ୍ଟିସ ବିଶ୍ୱନାଥ ରଥଙ୍କ ଅଧ୍ୟକ୍ଷତାରେ ବସିବ ଏହି ବୈଠକ । ପୂର୍ବରୁ ରାଜ୍ୟ ସରକାର ଜଷ୍ଟିସ ଅରଜିତ ପସାୟତଙ୍କ ଅଧ୍ୟକ୍ଷତାରେ କରିଥିବା କମିଟି ବଦଳରେ ଆଉ ଏକ ନୂଆ କମିଟି ଗଠନ କରିଥିବା ବେଳେ ସେହି କମିଟିର ଏହା ହେବ ପ୍ରଥମ ବୈଠକ ।

ରତ୍ନଭଣ୍ଡାର କେବେ ଖୋଲାଯିବ ଓ ଏହାର ଗଣତି ଉପରେ ଏହି ବୈଠକରେ ହେବ ସମ୍ପୂର୍ଣ୍ଣ ଆଲୋଚନା । ଭିତର ରତ୍ନଭଣ୍ଡାର ଖୋଲାଯିବା ତଥା ଏହାର ମରାମତି ଓ ରତ୍ନ ସଂରକ୍ଷଣ ତଥା ଗଣତି ମଣତି ଓ ନେଇ ରାଜ୍ୟ ସରକାର ୧୬ ଜଣିଆ କମିଟି ଗଠନ କରିଛନ୍ତି । ତେବେ ଏହି କମିଟିରେ ଦେଉଳକରଣ, ତଡାଉ କରଣ ଓ ଭଣ୍ଡାର ମେକାପ ନଥିବା ହେତୁ ସେବାୟତଙ୍କ ମହଲରେ ଉଦବେଗ ଦେଖାଦେଇଛି।