ଆଜି ବସିବ ଶେଷ ରଥ ସମନ୍ୱୟ କମିଟି ବୈଠକ

ପୁରୀ : ଆଜି ବସିବ ଶେଷ ରଥ ସମନ୍ୱୟ କମିଟି ବୈଠକ  । ଦିନ ୧୧ ଟା ୧୫ ମିନିଟରେ ପୁରୀ ଟାଉନ ହଲ ପରିସରରେ ବୈଠକ ବସିବ । ଏଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଅଧ୍ଯକ୍ଷତା କରିବେ । ଘୋଷଯାତ୍ରା ପୂର୍ବରୁ ରାସ୍ତା ଘାଟ, ପାନୀୟ ଜଳ, ପରିମଳ,ଗମନାଗମନ, ଭିଡ଼ ନିୟନ୍ତ୍ରଣ,ଆଇନ ଶୃଙ୍ଖଳା, ସ୍ବାସ୍ଥ୍ଯ ସେବାର ସମୀକ୍ଷା କରିବେ ମୁଖ୍ୟମନ୍ତ୍ରୀ  ।

ରଥଯାତ୍ରାକୁ କିଭଳି ଶାନ୍ତି ଶୃଙ୍ଖଳାର ସହ ସମାପନ କରାଯିବ ସେନେଇ ସମସ୍ତଙ୍କ ସହଯୋଗ ଲୋଡିବେ ମୋହନ  । ସବୁ ବିଭାଗର ଅଧିକାରୀମାନେ ସେମାନଙ୍କ ପ୍ରସ୍ତୁତିର ରିପୋର୍ଟ ଉପସ୍ଥାପନ କରିବେ  । ରଥଯାତ୍ରା ପାଇଁ କେଉଁ ବିଭାଗ କେତେ ପ୍ରସ୍ତୁତ ଅଛି ତାହାର ସମୀକ୍ଷା କରାଯିବ । ବୈଠକରେ ବିଭାଗୀୟ ମନ୍ତ୍ରୀ, ବିଧାୟକ, ମୁଖ୍ଯ ଶାସନ ସଚିବଙ୍କ ସମେତ ବିଭାଗୀୟ ବରିଷ୍ଠ ଅଧିକାରୀମାନେ ଉପସ୍ଥିତ ରହିବେ ।