ନିଟ୍ ପ୍ରଶ୍ନପତ୍ର ଲିକ୍ ମାମଲା: ଏନଟିଏକୁ ନୋଟିସ ଜାରି କଲେ ସୁପ୍ରିମକୋର୍ଟ

ନୂଆଦିଲ୍ଲୀ: ନିଟ୍ ପ୍ରଶ୍ନପତ୍ର ଲିକ୍ ମାମଲା। ଏନଟିଏକୁ ନୋଟିସ ଜାରି କଲେ ସୁପ୍ରିମକୋର୍ଟ। ପରୀକ୍ଷା ପରିଚାଳନା କରିଥିବା ନ୍ଯାସନାଲ ଟେଷ୍ଟିଂ ଏଜେନ୍ସି ବା ଏନଟିଏକୁ ଏହି ନୋଟିସ ଜାରି ହୋଇଛି। ପ୍ରଶ୍ନପତ୍ର ଲିକ୍ ମାମଲାରେ ଦେଶରେ ତମ୍ବିତୋଫାନ ଜାରି ରହିଥିବାବେଳେ ସୁପ୍ରିମକୋର୍ଟ ଏହି ନୋଟିସ ଜାରି କରିଛନ୍ତି। ନିଟ ୟୁଜି ମାମଲାରେ ଏକ ଲର୍ଣ୍ଣିଂ ଆପ୍ ପକ୍ଷରୁ ଆଗତ ଏକ ପିଟିସନର ଶୁଣାଣି କରି ସୁପ୍ରିମକୋର୍ଟ ଏହି ନୋଟିସ ଜାରି କରିଛନ୍ତି। ଆସନ୍ତା ଜୁଲାଇ ୮ ତାରିଖ ସୁଦ୍ଧା ଉତ୍ତର ରଖିବାକୁ ନିର୍ଦ୍ଦେଶଦେଇଛନ୍ତି ସୁପ୍ରିମକୋର୍ଟ।

ନିଟ୍-ୟୁଜି ପରୀକ୍ଷାରେ ରିଗିଂ ହୋଇଥିବା ନେଇ ଅଭିଯୋଗ ହୋଇଥିଲା। ଏକ କୋଚିଂ ସେଣ୍ଟର ଓ ଅନ୍ଯ କେତେକ ଛାତ୍ରଛାତ୍ରୀଙ୍କ ପକ୍ଷରୁ ଆଗତ ହୋଇଥିଲା ପିଟିସନ। ଗତ ମେ ୫ ତାରିଖରେ ନିଟ ଅନୁଷ୍ଠିତ ହୋଇଥିବାବେଳେ ଜୁନ ୪ରେ ଫଳ ପ୍ରକାଶିତ ହୋଇଥିଲା। ତେବେ ପ୍ରଶ୍ନପତ୍ର ଲିକ୍ ସହ ଅନ୍ଯାନ୍ୟ ଅନିୟମିତତା ନେଇ ଅଭିଯୋଗ ଆସିଥିଲା। ସେପଟେ ଅନିୟମିତତା ନେଇ ତଦନ୍ତ ଜାରି ରଖିଛି ସିବିଆଇ। ତେଣେ ନିଟ-ୟୁଜି ଅନିୟମିତତାକୁ ବିରୋଧର କରି କଂଗ୍ରେସ ପକ୍ଷରୁ ଦିଲ୍ଲୀରେ କରାଯାଇଛି ଜୋରଦାର ବିକ୍ଷୋଭ ।