ରାଉରକେଲା ସରକାରୀ ଡାକ୍ତରଖାନାରେ ନକଲି ଡାକ୍ତର

ରାଉରକେଲା : ରାଉରକେଲା ସରକାରୀ ଡାକ୍ତରଖାନାରେ ନକଲି ଡାକ୍ତର । ନକଲି ଡାକ୍ତର ଅଭିଯୋଗରେ ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ହେଲେ ପଦ୍ମନାଭ କାରୁଆ । ଡାକ୍ତର ରମେଶ ଚନ୍ଦ୍ର ଝାର ପରିଚୟ ଦେଇ ସେ ରାଉରକେଲା ସରକାରୀ ଡାକ୍ତରଖାନାରେ ଚାକିରି କରୁଥିଲେ । ଗତ ଡିସେମ୍ବରରୁ ଏକ ଏଜେନ୍ସି ଜରିଆରେ ସେ ଚାକିରି କରିଥିବା ଜଣାପଡ଼ିଛି । ଡାକ୍ତରର ପରିଚୟ ଦେଇ ସେ ଏକ ଫାଇନାନ୍ସ ସଂସ୍ଥାରୁ ୧୬ ଲକ୍ଷ ଟଙ୍କା ଋଣ ନେଇଥିଲା ଅଭିଯୁକ୍ତ । ଫାଇନାନ୍ସ କମ୍ପାନୀ ଖୋଳତାଡ଼ କରିବାବେଳେ ସଂପୃକ୍ତ ବ୍ଯକ୍ତି ନକଲି କାଗଜପତ୍ର ଦେଇଥିବା ଜଣାପଡ଼ିଥିଲା । ଏନେଇ ଥାନାରେ ଅଭିଯୋଗ ପରେ ପୋଲିସ ତଦନ୍ତ କରି ଅଭିଯୁକ୍ତକୁ ଗିରଫ କରିଛି ।

ପୂର୍ବରୁ ମଧ୍ଯ ଅନ୍ଯ ଏକ ଜାଗାରେ ଡାକ୍ତରର ପରିଚୟ ଦେଇ ଚାକିରି କରୁଥିଲା ଅଭିଯୁକ୍ତ । ଏନେଇ ଅଭିଯୋଗ ପରେ ଗିରଫ ମଧ୍ଯ ହୋଇଥିଲା । ଅଭିଯୁକ୍ତ ନକଲି ଡାକ୍ତରୀ ସାର୍ଟିଫିକେଟ କେଉଁଠୁ ଆଣିଲା ଏବଂ କିପରି ଚାକିରି କଲା ସେନେଇ ତଦନ୍ତ କରାଯାଉଛି ।