କାଶୀ ବିଶ୍ବନାଥଙ୍କୁ ପୁଅ ବିବାହ ନିମନ୍ତ୍ରଣ ପତ୍ର ଦେଲେ ନୀତା ଅମ୍ବାନୀ

ମୁମ୍ବାଇ: ଅନନ୍ତ ଅମ୍ବାନୀ ଓ ରାଧିକା ମର୍ଚାଣ୍ଟଙ୍କ ବିବାହ କାର୍ଡ ନେଇ କାଶୀ ବିଶ୍ବନାଥରେ ପହଞ୍ଚିଲେ ନୀତା ଅମ୍ବାନୀ  । ପୁଅର ବିବାହ ପାଇଁ କାଶୀ ବିଶ୍ବନାଥଙ୍କୁ ନିମନ୍ତ୍ରଣ କରିବା ପାଇଁ ପହଞ୍ଚିଛନ୍ତି ନୀତା  । ବାରଣାସୀରେ ପହଞ୍ଚି ପ୍ରଭୁଙ୍କ ଆଶୀର୍ବାଦ କାମନା କରିଛନ୍ତି ନୀତା  । ପରିବାରର ମଙ୍ଗଳ ମନାସି ବାବାଙ୍କୁ ପ୍ରାର୍ଥନା କରିଛନ୍ତି ରିଲାଏନ୍ସ ଫାଉଣ୍ଡେସନର ଚେୟାରମ୍ୟାନ ନୀତା  ।

୧୦ ବର୍ଷ ପରେ ବାରଣାସୀର କାଶୀ ବିଶ୍ବନାଥ ଆସିଥିବା କହିଛନ୍ତି ନୀତା  । ୧୦ ବର୍ଷ ପରେ କାଶୀ ବିଶ୍ବନାଥରେ ହୋଇଥିବା ବିକାଶକୁ ସେ ପ୍ରଶଂସା କରିଛନ୍ତି  । ସେହିପରି ସ୍ବଚ୍ଛତା ସାଙ୍ଗକୁ ସୌର ଶକ୍ତିର ବି ସେ ପ୍ରଶଂସା କରିଛନ୍ତି  ।

ଆସନ୍ତା ଜୁଲାଇ ୧୨ରେ ରିଲାଏନ୍ସ ଇଣ୍ଡଷ୍ଟ୍ରିର ପ୍ରତିଷ୍ଠାତା ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀଙ୍କ ସହ ଶିଳ୍ପପତି ବୀରେନ ମର୍ଚାଣ୍ଟଙ୍କ ଝିଅ ରାଧିକାଙ୍କ ବିବାହ ହେବ  ।