ବଜରଙ୍ଗ ପୁନିଆ ପୁଣି ନିଲମ୍ବିତ, ପରୀକ୍ଷା ପାଇଁ ପରିସ୍ରା ଦେବାକୁ କରିଥିଲେ ମନା

ନୂଆଦିଲ୍ଲୀ: ଭାରତର ଷ୍ଟାର କୁସ୍ତିଯୋଦ୍ଧା ବଜରଙ୍ଗ ପୁନିଆ ପୁଣି ଥରେ ନିଲମ୍ବିତ । ଆଣ୍ଟି ଡୋପିଂ ନିୟମ ଅନୁସାରେ ଅସ୍ଥାୟୀ ଭାବେ ନିଲମ୍ବିତ କଲା ନ୍ୟାସନାଲ ଆଣ୍ଟି ଡୋପିଂ ଏଜେନ୍ସିଂ ନାଡା । ଗତ ୧୦ ମାର୍ଚ୍ଚରେ ପରୀକ୍ଷା ପାଇଁ ପରିସ୍ରା ନମୂନା ଦେବାକୁ ମନା କରି ଦେଇଥିଲେ ବଜରଙ୍ଗ । ଏହାକୁ ନେଇ ଅସ୍ଥାୟୀ ଭାବେ କୁସ୍ତିଯୋଦ୍ଧା ବରଜଙ୍ଗ ପୁନିଆଙ୍କୁ ନିଲମ୍ବନ କରାଯାଇଛି । ଆସନ୍ତା ୧୧ ଜୁଲାଇ ସୁଦ୍ଧା ଜବାବ ରଖିବାକୁ ନାଡା ନୋଟିସ ଜାରି କରିଛି ।

ଏହା ପୂର୍ବରୁ ମଧ୍ୟ ବରଜଙ୍ଗ ପୁନିଆଙ୍କୁ ନିଲମ୍ବିତ କରିଥିଲା ନାଡା । ତେବେ ବଜରଙ୍ଗ ପୁନିଆଙ୍କ ନିଲମ୍ବନ ନିର୍ଦ୍ଦେଶ ଡିସିପ୍ଲିନାରୀ ପ୍ଯାନେଲ ଦ୍ଵାରା ରଦ୍ଦ କରି ଦିଆଯାଇଥିଲା । କାରଣ ନିଲମ୍ବନ ଲାଗି ତାଙ୍କୁ ନୋଟିସ ଜାରି କରାଯାଇ ନଥିଲା । ଏବେ ନାଡା ନିଲମ୍ବନ ନିର୍ଦ୍ଦେଶ ସହିତ ଉତ୍ତର ରଖିବାକୁ ନୋଟିସ ଜାରି କରିଛି ।

ଗତ ମାର୍ଚ୍ଚ ୧୦ରେ ସୋନିପତରେ ଅଭ୍ଯାସ ସମୟରେ ପରିସ୍ରା ନମୂନା ଦେବାକୁ ମନା କରି ଦେଇଥିଲେ ବରଜଙ୍ଗ ପୁନିଆ । ଏହାକୁ ନେଇ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ତେବେ ନୋଟିସ ନେଇ ଉତ୍ତର ରଖିବେ ବୋଲି କହିଛନ୍ତି ବଜରଙ୍ଗଙ୍କ ଓକିଲ ବିଷ୍ଣୁପତ ସିଙ୍ଗାନିଆ । ବଜରଙ୍ଗ ପୁନିଆ କିଛି ବି ଭୁଲ କରିନାହାନ୍ତି ବୋଲି ଦୃଢତାର ସହ କହିଛନ୍ତି ତାଙ୍କ ଓକିଲ । ନୋଟିସର ଜବାବ ଦେବାକୁ କୁସ୍ତିଯୋଦ୍ଧା ବରଜଙ୍ଗ ପୁନିଆଙ୍କ ପାଖରେ ଆସନ୍ତା ୧୧ ଜୁଲାଇ ପର୍ଯ୍ୟନ୍ତ ସମୟ ରହିଛି ।