ଜଗନ ସାମ୍ରାଜ୍ଯ ଉପରେ ଟିଡିପିର ବୁଲଡୋଜର, ମାଟିରେ ମିଶିଲା ୱାଇଏସଆର କଂଗ୍ରେସର ନିର୍ମାଣାଧୀନ କେନ୍ଦ୍ରୀୟ କାର୍ଯ୍ୟାଳୟ
1 min read
ନନ୍ଦିଘୋଷ ବ୍ୟୁରୋ: ଜଗନ ସାମ୍ରାଜ୍ଯ ଉପରେ ଟିଡିପିର ବୁଲଡୋଜର। ଆନ୍ଧ୍ରପ୍ରଦେଶ ଗୁଣ୍ଟୁରର ତାଡେପାଲ୍ଲିସ୍ଥିତ ୱାଇଏସଆର କଂଗ୍ରେସ ପାର୍ଟିର ନିର୍ମାଣାଧୀନ କେନ୍ଦ୍ରୀୟ କାର୍ଯ୍ୟାଳୟକୁ ଭାଙ୍ଗିଦିଆଯାଇଛି। ମ୍ଯୁନିସପାଲିଟି କର୍ତ୍ତୃପକ୍ଷ ଦ୍ବାରା ଏହି ଅର୍ଦ୍ଧନିର୍ମିତ କୋଠାକୁ ଭାଙ୍ଗିଦିଆଯାଇଛି। ଆଜି ଭୋରରୁ ସେଠାରେ ମଙ୍ଗଳଗିରି-ତାଡେପାଲ୍ଲି ମ୍ଯୁନିସିପାଲ କର୍ପୋରେସନ ବା ଏମଟିଏମସି ପକ୍ଷରୁ ବୁଲଡୋଜରରେ ଭଙ୍ଗା କାର୍ଯ୍ୟ ଆରମ୍ଭ ହୋଇଥିଲା। ସେଠାରେ ବେଆଇନ କାର୍ଯ୍ୟ ଜରିଆରେ କୋଠା ନିର୍ମାଣ କରାଯାଉଥିଲା ବୋଲି ପୂର୍ବରୁ ୱାଇଏସଆରସିପିକୁ ନୋଟିସ ଜାରି କରିଥିଲା କ୍ଯାପିଟାଲ ରିଜନ ଡେଭଲେପମେଣ୍ଟ ଅଥରିଟି ବା ସିଆରଡିଏ। ଏହି ନୋଟିସକୁ ବିରୋଧ କରି ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲା ଦଳ। ମ୍ଯୁନିସିପାଲଟି ପକ୍ଷରୁ ଅଭିଯୋଗ କରାଯାଇଛି- ଜଳସେଚନ ବିଭାଗ ଜମିରେ ୱାଇଏସଆରସିପି ପକ୍ଷରୁ କୋଠା ନିର୍ମାଣ କରାଯାଉଛି।
