ସୁଇଜରଲ୍ଯାଣ୍ଡ ଶାନ୍ତି ସମ୍ମିଳନୀ ଘୋଷଣାନାମାରେ ସ୍ବାକ୍ଷର କଲେନି ଭାରତ ଓ ଅନ୍ଯ ୬ ରାଷ୍ଟ୍ର

ବର୍ଗେନଷ୍ଟକ: ଋଷ-ୟୁକ୍ରେନ ଯୁଦ୍ଧର ଅବସାନ ଲାଗି ସୁଇଜରଲ୍ଯାଣ୍ଡ ପକ୍ଷରୁ କରାଯାଇଥିବା ଶାନ୍ତି ସମ୍ମିଳନୀରେ ଅନିଶ୍ଚିତତା । ଏହି ମିଳିତ ଘୋଷଣାନାମାରେ ସ୍ବାକ୍ଷର ଲାଗି ଅଗ୍ରାହ୍ୟ ପ୍ରକାଶ କରିଛନ୍ତିି ଭାରତ ଓ ଅନ୍ଯ ୬ ରାଷ୍ଟ୍ର । ଶାନ୍ତି ପ୍ରତିଷ୍ଠା ଲାଗି ସମସ୍ତ ଅଂଶୀଦାର ଏଥିରେ ସାମିଲ ହୁଅନ୍ତୁ ବୋଲି କୁହାଯାଇଛି । ସୁଇଜରଲ୍ଯାଣ୍ଡର ବୁର୍ଗନେଷ୍ଟକରେ ଆୟୋଜିତ ସମ୍ମିଳନୀରେ ୮୦ରୁ ଅଧିକ ରାଷ୍ଟ୍ର ଯୋଗଦେଇଥିବାବେଳେ ଅନ୍ଯ ବହୁ ରାଷ୍ଟ୍ର ଏଥିରେ ସାମିଲ ହୋଇନାହାନ୍ତି ।

ଭାରତ ପକ୍ଷରୁ ଏହି ସମ୍ମିଳନୀରେ ସାମିଲ ହୋଇଥିଲେ ବୈଦେଶିକ ବ୍ଯାପାର ମନ୍ତ୍ରାଳୟ ସଚିବ ପବନ କପୁର । ସେ କହିଛନ୍ତି- ସମସ୍ତ ଅଂଶୀଦାର ଯଦି ଏହି ଉଦ୍ଯମରେ ସାମିଲ ହେବେ ନାହିଁ ତେବେ ଶାନ୍ତି ପ୍ରତିଷ୍ଠା ସମ୍ଭବ ନୁହେଁ । ଏହି ସମ୍ମିଳନୀରେ ସମସ୍ତ ପକ୍ଷ ଉପସ୍ଥିତ ନରହିବାରୁ ମିଳିତ ଘୋଷଣାନାମାରେ ଭାରତ ସ୍ବାକ୍ଷର ପ୍ରଦାନ କରୁନାହିଁ । ୟୁକ୍ରେନର ସୀମାଗତ ସଂହତି ପ୍ରତିଷ୍ଠା ଜରୁରୀ ବୋଲି ୮୦ଟି ରାଷ୍ଟ୍ର ପକ୍ଷରୁ ଘୋଷଣାନାମା ଜାରି ହୋଇଥିଲା । ଏହି ପଦକ୍ଷେପକୁ ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କି ସ୍ବାଗତ କରିଛନ୍ତି । ଏହି ରାଜିନାମାରେ ସାଉଦିଆରବ, ସାଉଥ ଆଫ୍ରିକା, ୟୁଏଇ, ବ୍ରାଜିଲ ପ୍ରଭୃତି ରାଷ୍ଟ୍ର ସ୍ବାକ୍ଷର କରିନାହାନ୍ତି । ଏହି ସମ୍ମିଳନୀକୁ ରୁଷିଆକୁ ଆମନ୍ତ୍ରଣ କରାଯାଇ ନଥିବାବେଳେ ଚୀନ ଯୋଗଦେଇ ନଥିଲା ।