ଆଜି ବି ସମସ୍ତଙ୍କ ପସନ୍ଦ ପଞ୍ଚୁଆ ଭାଇଙ୍କ ପାନ

ନନ୍ଦିଘୋଷ ବ୍ୟୁରୋ: ବୟସର ଅପରାହ୍ନରେ ଆଜି ବି ଲୋକଙ୍କ ମନମୁତାଵକ ପାନ ଭାଙ୍ଗି ଲୋକଙ୍କ ମନ ଜିଣିଛନ୍ତି ପଞ୍ଚୁଆ ଭାଇ । ଦୀର୍ଘ ୫୧ବର୍ଷ ହେଲା କାକଟପୁର ଅଞ୍ଚଳରେ ବେଶ ପରିଚିତ ପାନ ବ୍ୟବସାୟୀ ପଞ୍ଚୁଆ ଭାଇ । ୧୩ବର୍ଷ ବୟସରୁ ଆରମ୍ଭ କରିଥିଲେ ପାନ ଭାଙ୍ଗିବା । ଦିନକୁ ଭାଙ୍ଗୁଛନ୍ତି ୮ହଜାର ରୁ ଉର୍ଦ୍ଧ ପାନ । ପାନ ନେବା ପାଇଁ ଯେତିକି ଭିଡ଼ ତା ଠାରୁ ଫୋନରେ ଅର୍ଡର କରୁଛନ୍ତି ଲୋକେ ।

୫୧ ବର୍ଷ ହେଲା ଭାଙ୍ଗୁଛନ୍ତି ପାନ , ଦେଖନ୍ତୁ ଏହି ବ୍ଯକ୍ତିଙ୍କୁ ଏ ହେଉଛନ୍ତି ପୁରୀ ଜିଲ୍ଲା କାକଟପୁର ବ୍ଲକର ପାନ ବ୍ଯବସାୟୀ ପଞ୍ଚାନନ ମନ୍ଥନ ଓରଫ ସମସ୍ତଙ୍କର ଅତିପ୍ରିୟ ପଞ୍ଚୁଆ ଭାଇ। ମାତ୍ର ୧୩ ବର୍ଷ ବୟସରୁ ଏକ ଛୋଟ କ୍ଯାବିନରେ ଆରମ୍ଭ କରିଥିଲେ ଖିଲି ପାନ ଦୋକାନ । ପ୍ରତ୍ଯେକ ଦିନ ସକାଳ ୬ ଟାରୁ ବସି ଭାଙ୍ଗନ୍ତି ପାନ । ତିଆରି କରନ୍ତି ସୁଆଦିଆ ମିଠା ପାନ । ପ୍ରତ୍ଯେକ ଦିନ ୮ ହଜାରରୁ ଅଧିକ ପାନ ଭାଙ୍ଗୁଛନ୍ତି । ବିଭିନ୍ନ ରକମକର ମିଠା ମସଲାରେ ପାନ ଭାଙ୍ଗିବା ପରେ ରଙ୍ଗୀନ ପେପେର ଗୁଡ଼ାଇ ଗ୍ରାହକଙ୍କୁ ଯୋଗାଉଛନ୍ତି ପାନ । କେବଳ ରଜ ନୁହେଁ, ବର୍ଷକ ୩୬୫ଦିନ ଏଠାରେ ଲୋକ ପାନ ନେବା ପାଇଁ ଭିଡ଼ ଜମାଇଥାନ୍ତି ।

ବୟସର ଅପରାହ୍ନରେ ମଧ୍ଯ ଥକି ଯାଇନାହାନ୍ତି ପଞ୍ଚାନନ । ପାନ ବ୍ଯବସାୟ କରି ନିଜର ପରିବାର ପ୍ରତିପୋଷଣ କରୁଛନ୍ତି । ୨ଟା ପାନକୁ ୪ ଟଙ୍କା । ପଞ୍ଚାନନଙ୍କ ପାନର ଚାହିଦା ବଜାରରେ ଭଲ ରହିଛି । କାକଟପୁର, ଅସ୍ତରଙ୍ଗ ଛଡା ବହୁଦୂର ଦୁରାନ୍ତରୁ ପଞ୍ଚୁଆ ଭାଇଙ୍କ ପାନ ନେବାକୁ ଆସନ୍ତି ଲୋକେ । କେଉଁ ଲୋକଙ୍କୁ କେଉଁ ପାନ ଦିଆଯିବ ସେ ଜାଣିଥାନ୍ତି । ବିଭିନ୍ନ ରକମର ମସଲା ପକାଇ ସୁସ୍ବାଦୁ ପାନ ଦେଇ ଲୋକଙ୍କ ମନ ଜିଣିଥାନ୍ତି ପଞ୍ଚାନନ ।