ବିବାହ ଉତ୍ସବଙ୍କୁ ସ୍ମରଣୀୟ କରିବାକୁ ନବ ଦମ୍ପତିଙ୍କ ନିଆରା ପ୍ରୟାସ; ରକ୍ତଦାନ ଶିବିରକୁ ଅତିଥିଙ୍କୁ ଗଛ ଉପହାର

ବାଲେଶ୍ବର: ଜୀବନରେ ଥରେ ବିବାହ ହୋଇଥାଏ । ଆଉ ଏହାକୁ ସ୍ମରଣୀୟ କରିବାକୁ ସବୁ ଦମ୍ପତି ଚାହିଁଥାନ୍ତି । ଏଥିପାଇଁ କିଏ କେତେ ଉପାୟ ଅବଲମ୍ବନ କରିଥାନ୍ତି । କିଏ କିଏ ସ୍ବାଦିଷ୍ଟ ବ୍ୟଞ୍ଜନ କରି ଅତିଥିଙ୍କୁ ନିମନ୍ତ୍ରିତ କରିଥାଏ ତ ଆଉ କିଏ ସାଂସ୍କୃତିକ କାର୍ଯ୍ୟକ୍ରମ କରି ନିମନ୍ତ୍ରିତ କରିଥାଏ । ହେଲେ ଆଜି ଆମେ ଏମିତି ଏକ ନବ ଦମ୍ପତିଙ୍କ କଥା କହିବାକୁ ଯାଉଛୁ, ଯିଏ ନିଜ ବିବାହ ଉତ୍ସବକୁ ସ୍ମରଣୀୟ କରିବାକୁ ରକ୍ତଦାନ ଶିବିରର ଆୟୋଜନ କରିଛନ୍ତି ।

ବାଲାଶ୍ବର ଜିଲ୍ଲା ବାଲିଆପାଳ ବ୍ଲକ ଚୌମୁଖ ଗ୍ରାମର ନବ ଦମ୍ପତି କ୍ରୀଷ୍ନାକାନ୍ତ ପାତ୍ର ଏବଂ ସସ୍ମିତା ପାତ୍ର ଏମିତି କରିଛନ୍ତି । ରିସେପସନ ପାର୍ଟିରେ ନବ ଦମ୍ପତି ଏକ ରକ୍ତଦାନ ଶିବିର ଆୟୋଜନ କରିଥିଲେ । ଉଭୟ ନିଜେ ରକ୍ତଦାନ କରିବା ସହ ଅନ୍ୟମାନଙ୍କୁ ଏହି ମହତ କାମରେ ସାମିଲ ହେବାକୁ ଉତ୍ସାହିତ କରିଥିଲେ ।

ବିବାହ ଉତ୍ସବକୁ ଯାକ ଜମକ ନକରି ସମାଜର ଆବଶ୍ୟକତାକୁ ଅନୁଭବ କରି ନବ ଦମ୍ପତି ନେଇଛନ୍ତି ଏହି ନିଆରା ପଦକ୍ଷେପ । ନିଶ୍ବାସ ପାଇଁ ଗଛଟିଏ ଆଉ ରକ୍ତ ଅଭାବ ପାଇଁ ରକ୍ତଦାନ ଶୀର୍ଷକରେ ଶିବିର ଆୟୋଜନ କରିଛନ୍ତି । ଏହି ରକ୍ତଦାନ ଶିବିରରେ ମୋଟ ୩୦ ୟୁନିଟ ରକ୍ତ ସଗୃହିତ ହୋଇଥିଲା । ବର୍ତ୍ତମାନ ଅମ୍ଳଜାନ ଅଭାବରୁ ପରିବେଶ ଅସନ୍ତୁଳିତ ହୋଇପଡିଛି । ସମୟ ଅସମୟରେ ପ୍ରାକୃତିକ ଦୁର୍ବିପାକ ଘଟୁଛି । ପରିବେଶର ସୁରକ୍ଷା ପାଇଁ ସମସ୍ତେ ଗଛ ଲଗାଇବାର ଆବଶ୍ୟକତା ରହିଛି । ତେଣୁ ବିବାହ ଭୋଜିରେ ଯୋଗ ଦେଉଥିବା ଅତିଥିଙ୍କୁ ୧୦୦ ରୁ ଅଧିକ ଚାରା ଗଛ ବଣ୍ଟନ କରିବା ସହିତ ଗଛ ଲଗାଇବା ପାଇଁ ପରାମର୍ଶ ଦେଇଥିଲେ ନବ ଦମ୍ପତି ।