ବାରଣାସୀ ଯାଉଥିବା ଇଣ୍ଡିଗୋ ବିମାନରେ ବୋମା ଆତଙ୍କ, ଯାତ୍ରୀ ସୁରକ୍ଷିତ
1 min read![](https://nandighoshatv.com/wp-content/uploads/2024/05/indigo-flight-1024x576.jpg)
ନୂଆଦିଲ୍ଲୀ: ବାରାଣାସୀ ଅଭିମୁଖେ ଯାଉଥିବା ଇଣ୍ଡିଗୋ ବିମାନରେ ବୋମା ଆତଙ୍କ । ଆଜି ଦିଲ୍ଲୀ ବିମାନବନ୍ଦରରେ ବୋମା ଧମକ ମିଳିବା ପରେ ଅଧିକାରୀମାନେ ବିମାନ ଯାଞ୍ଚ କରିଥିଲେ।
6E2211 ବିମାନଟି ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରୁ ସକାଳ ପ୍ରାୟ ୫ ଟାରେ ଉଡ଼ାଣ ଭରିବାର ଥିଲା ଏବଂ ବିମାନର କିଛି ମିନିଟ୍ ପୂର୍ବରୁ ରନୱେରେ ଅଟକା ଯାଇଥିଲା। ବୋମାରେ ଉଡାଇଦେବାକୁ ଧମକ ପରେ ସର୍ଚ୍ଚ ଅପରେସନ ଜାରି କରାଯାଇଛି। ବିମାନକୁ ତୁରନ୍ତ ଏକ ଆଇସୋଲେସନ ଓ୍ବେକୁ ନିଆଯାଇଛି। । ଘଟଣାସ୍ଥଳରେ ସୁରକ୍ଷାକର୍ମୀ ଓ ବୋମା ନିଷ୍କ୍ରିୟକାରୀ ଟିମ୍ ପହଞ୍ଚି ତଦନ୍ତ ଜାରି ରଖିଛନ୍ତି। ଯଦିଓ କୌଣସି ସନ୍ଦେହଜନକ ଜିନିଷ ମିଳିପାରିନାହିଁ।
ତେବେ ସମସ୍ତ ଯାତ୍ରୀଙ୍କୁ ଏମିରଜେନ୍ସି ଡୋର୍ ଦେଇ ବାହାରକୁ ବାହାର କରାଯାଇଥିଲା ବେଳେ ସମସ୍ତ ଯାତ୍ରୀ ସୁରକ୍ଷିତ ଥିବା ନେଇ ଅଧିକାରୀମାନେ ସୂଚନା ଦେଇଛନ୍ତି। କିନ୍ତୁ ବିମାନରେ କେତେ ଯାତ୍ରୀ ଥିଲେ ତାହା ସ୍ପଷ୍ଟ ହୋଇପାରିନାହିଁ । ଏୟାରଲାଇନ୍ସର ସୂଚନା ଅନୁଯାୟୀ, ବିମାନର ଯାଞ୍ଚ ଚାଲିଛି। ସମସ୍ତ ସୁରକ୍ଷା ଯାଞ୍ଚ ଶେଷ ହେବା ପରେ ବିମାନକୁ ଟର୍ମିନାଲ ଅଣାଯିବ।