ନୟାପଲ୍ଲୀରେ ରାଜନୈତିକ ହିଂସା, ବିଜେଡି ପାର୍ଟି ଅଫିସକୁ ବୋମାମାଡ
ଭୁବନେଶ୍ବର: ନୟାପଲ୍ଲୀରେ ବୋମାମାଡ଼ । ୱାର୍ଡ଼ ନମ୍ବର ୩୮ରେ ଥିବା ବିଜେଡି ପାର୍ଟି ଅଫିସରେ ଗୁରୁବାର ରାତି ପ୍ରାୟ ୧୨ ଟା ବେଳେ ବୋମାମାଡ଼ ହୋଇଛି । ଦୁଇ ଜଣ ଦୁର୍ବୃତ୍ତ ବାଇକରେ ଆସି ବୋମା ଫିଙ୍ଗିଥିବା ନେଇ ସୂଚନା ରହିଛି । ବୋମାମାଡ଼ ଫଳରେ ଏକ ବାଇକ କ୍ଷତିଗସ୍ତ ହୋଇଛି। କୌଣସି ଲୋକ ଆହତ ହୋଇନଥିବା ବେଳେ ଏହା ବିଜେପି ସମର୍ଥିତ କେହି ଦୁର୍ବୃତ୍ତ କରିଥାଇପାରନ୍ତି ବୋଲି ଅଭିଯୋଗ ହୋଇଛି ।
ଖବର ପାଇ ନୟାପଲ୍ଲୀ ଥାନା ପୋଲିସ ବିଳମ୍ବିତ ରାତିରେ ଛାନଭିନ ଆରମ୍ଭ କରିଛି। ସୂଚନାଯୋଗ୍ୟ ଦୁଇଦିନ ତଳେ କ୍ୟାମ୍ପେନିଂ ସମୟରେ ଦୁଇଗୋଷ୍ଠୀ ଗଣ୍ଡଗୋଳ ହୋଇଥିଲା। ପରବର୍ତ୍ତୀ ସମୟରେ ଗୋଟିଏ ଗୋଷ୍ଠୀ ପକ୍ଷରୁ ଥାନାରେ ଏତଲା ଦିଆଯାଇଥିଲା ।
