ଆନ୍ଧ୍ରରେ ମର୍ମନ୍ତୁଦ ସଡ଼କ ଦୁର୍ଘଟଣା; ୬ ଜୀବନ୍ତ ଦଗ୍ଧ

ପାଲନାଡୁ: ଆନ୍ଧ୍ରପ୍ରଦେଶର ବାପଟଲା ଜିଲ୍ଲାର ଚିନ୍ନାଗଞ୍ଜମରୁ ହାଇଦ୍ରାବାଦ ଅଭିମୁଖେ ଯାଉଥିବା ଏକ ବସ୍-ଲରି ସହିତ ମୁହାଁମୁହିଁ ଧକ୍କା ହୋଇଥିଲା। ମୁହାଁମୁହିଁ ଧକ୍କା ହେବା ଫଳରେ ଉଭୟ ବସ୍ ଓ ଲରିରେ ନିଆଁ ଲାଗିଯାଇଥିଲା । ଫଳରେ ୬ଜଣ ଜୀବନ୍ତ ଦଗ୍ଧ ହୋଇଯାଇଛନ୍ତି।

ଏହି ଦୁର୍ଘଟଣାରେ ୩୨ ଜଣ ଆହତ ହୋଇଥିବା ବେଳେ ସେମାନଙ୍କୁ ଚିକିତ୍ସା ପାଇଁ ଗୁଣ୍ଟୁର ନିଆଯାଇଛି । ଚିଲକାଲୁରିପେଟା ଗ୍ରାମୀଣ ପୋଲିସ ଦୁର୍ଘଟଣାର ଯାଞ୍ଚ କରୁଛି।

ପୋଲିସର ସୂଚନାନୁଯାୟୀ, ଚିନ୍ନାଗଞ୍ଜମରୁ ହାଇଦ୍ରାବାଦ ଅଭିମୁଖେ ଯାଉଥିବା ଏକ ବସ୍ ଚିଲକାଲୁରିପେଟରେ ଏକ ଲରି ସହିତ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣାରେ ବସ୍ ଓ ଲରିରେ ନିଆଁ ଲାଗିଯିବା ଫଳରେ ୬ଜଣଙ୍କର ମୃତ୍ୟୁ ଘଟିଛି। ତେବେ ମୃତକ ମାନେ ବାପଟଲା ଜିଲ୍ଲାର ବାସିନ୍ଦା ବୋଲି ଜଣାପଡିଛି। ଅପରପକ୍ଷେ ମୃତକଙ୍କ ମଧ୍ୟରେ ଉଭୟ ବସ୍ ଏବଂ ଲରି ଡ୍ରାଇଭରଙ୍କ ସମେତ ଚାରି ଜଣ ଯାତ୍ରୀ ଅଛନ୍ତି।