ଆତଙ୍କବାଦୀ ନିଜ୍ଜର ହତ୍ୟାକାଣ୍ଡ,କାନାଡ଼ାରେ ଆଉ ଜଣେ ଭାରତୀୟ ଗିରଫ

ଟରଣ୍ଟୋ: ଖାଲିସ୍ତାନୀ ଆତଙ୍କବାଦୀ ହରଦୀପ ସିଂ ନିଜ୍ଜର ହତ୍ୟା ମାମଲାରେ କାନାଡା ପୋଲିସ ଆଉ ଜଣେ ଭାରତୀୟଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ଜଣଙ୍କ ହେଲେ ଅମନଦୀପ ସିଂ (୨୨) । ଅସ୍ତ୍ରଶସ୍ତ୍ର ରଖିବା ମାମଲାରେ ପୂର୍ବରୁ ଅମନଦୀପ ପୋଲିସ ହେପାଜତରେ ଥିଲା । ଏବେ ଆତଙ୍କବାଦୀ ନିଜ୍ଜର ହତ୍ୟା ମାମଲାରେ ସଂପୃକ୍ତି ଥିବା ଅଭିଯୋଗରେ ଗିରଫ କରାଯାଇଛି । ଅମନଦୀପଙ୍କୁ ମିଶାଇ ନିଜ୍ଜର ହତ୍ୟାକାଣ୍ଡରେ ବର୍ତ୍ତମାନ ସୁଦ୍ଧା ୪ ଜଣଙ୍କୁ ଗିରଫ କରି ସାରିଲାଣି କାନାଡା ପୋଲିସ ।

ସୂଚନାଯୋଗ୍ୟ, ନିଜ୍ଜର ହତ୍ୟା ମାମଲାକୁ ନେଇ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ମନ୍ତବ୍ୟକୁ ନେଇ ଭାରତ ସହ ସମ୍ପର୍କ ବହୁ ମାତ୍ରାରେ ଖରାପ ହୋଇଛି । ଏହି ମାମଲାରେ ଭାରତର ହାତ ଥିବା ଟ୍ରୁଡୋ ଅଭିଯୋଗ ଲଗାଇଥିଲେ ।

ଅମନଦୀପ ପୂର୍ବରୁ ଏହି ମାମଲାରେ କାନାଡା ପୋଲିସ କମଲପ୍ରୀତ ସିଂ ଏବଂ କରଣପ୍ରିତ ସିଂଙ୍କୁ ଗିରଫ କରିଥିଲା । ଏହି ମାମଲାରେ ପୋଲିସ ଏମେଣ୍ଟନରୁ ଚଳିତ ମାସ ଆରମ୍ଭରୁ ତିନି ଜଣଙ୍କୁ ଗିରଫ କରିଥିଲା । ଭାରତ ସରକାରଙ୍କ ସହ ଏମାନଙ୍କର କୌଣସି ସମ୍ପର୍କ ଅଛି କି ନାହିଁ ତାହାର ମଧ୍ୟ ଯାଞ୍ଚ କରୁଛି ତଦନ୍ତକାରୀ ସଂସ୍ଥା । ଅମନଦୀପ ଉପରେ ଫର୍ଟ୍ସ ଡିଗ୍ରୀ ହତ୍ୟା ଓ ନିଜ୍ଜର ହତ୍ୟାରେ ଷଡଯନ୍ତ୍ର ରଚିତା ଅଭିଯୋଗ ଲାଗିଥିବା ତଦନ୍ତକାରୀ ସଂସ୍ଥା ଇଣ୍ଟିଗଅେଟେଡ ହୋମିସାଇଡ ଟିମ୍ କହିଛି ।