ମିଛ ପ୍ରତିଶୃତି ଦେଇ ଲୋକଙ୍କୁ ଭୁଆଁ ବୁଲାଉଛନ୍ତି ଅପରାଜିତା: ବିଜେଡି ମୁଖପାତ୍ର ଇପସିତା ସାହୁ

ଭୁବନେଶ୍ୱର: ବିଜେପିର ଭୁବନେଶ୍ବର ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀଙ୍କୁ ୫ଟି ପ୍ରଶ୍ନ ପଚାରିଲା ବିଜେଡି । ଅପରାଜିତାଙ୍କ ୫ ବର୍ଷର ବିଫଳତାକୁ ବି ବିଜେଡିକ ସାମ୍ନାକୁ ଆଣିଛି । ବିଜେଡି ମୁଖପାତ୍ର ଇପସିତା ସାହୁ କହିଛନ୍ତି, ବିଜେପିର ନାରା ହେଉଛି ନା କାମ କରିବ ନା କରିବାକୁ ଦେବ । ମିଛ ପ୍ରତିଶୃତି ଦେଇ ଲୋକଙ୍କୁ ଭୁଆଁ ବୁଲାଉଛନ୍ତି ଅପରାଜିତା।

ବିଗତ ୫ବର୍ଷରେ ୫ଟି ବି ପ୍ରତିଶୃତି ପୂରା କରିନାହାନ୍ତି। ଇସ୍କନ ପାଣି ସମସ୍ଯାର ସମାଧାନ ହୋଇନଥିବାବେଳେ କ୍ଯାପିଟାଲ ରିଂ ରୋଡ୍, ହଂସପାଳ ଫ୍ଲାଏଓଭର ହୋଇପାରିଲାନି । ଜଗନ୍ନାଥ ସଡ଼କ କାମ ବି ହେଲାନି। ଭୁବେନେଶ୍ୱରରେ ବିଶ୍ୱସ୍ତରୀୟ ରେଲୱେ ଷ୍ଟେସନର ଅବସ୍ଥା କଣ ତାହା ସମସ୍ତେ ଜାଣିଛନ୍ତି ବୋଲି ଇପସିତା କହିଛନ୍ତି । ଏହାଛଡ଼ା ରାଜ୍ୟ ସରକାରଙ୍କ ବିକାଶ କାମକୁ ଅଟକାଇବାକୁ ଅପରାଜିତା ଷଡଯନ୍ତ୍ର କରୁଥିବା ଇପସିତା କହିଛନ୍ତି।

ଶ୍ରୀମନ୍ଦିର ପରିକ୍ରମା ପ୍ରକଳ୍ପ, ଏକାମ୍ର ପ୍ରକଳ୍ପ, ମେଟ୍ରୋ ପ୍ରକଳ୍ପ, ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ଦିଲ୍ଲୀରେ ଷଡଯନ୍ତ୍ର କରିବାରେ ମୁଖ୍ୟ ଭୂମିକା ନେଇଥିଲେ ଅପରାଜିତା । ଡବଲ ଇଞ୍ଜିନ ସରକାର ପ୍ରସଙ୍ଗରେ ସମାଲୋଚନା କରି ଇପସିତା କହିଛନ୍ତି ଯେ ବିହାର, ଉତ୍ତରପ୍ରଦେଶ, ମଧ୍ୟପ୍ରଦେଶରେ କାହିଁକି ଦାଦନ ଶ୍ରମିକ ଅଧିକ। ଭୁବେନେଶ୍ୱରବାସୀ ଅପରାଜିତା ଷଡ଼ଙ୍ଗୀଙ୍କ ବିଫଳତାର କଳା ଚିଠା ଧରି ବସିଛନ୍ତି। ବିକାଶକୁ କାହିଁକି ବିରୋଧ କରୁଛ ବୋଲି ଲୋକ ପ୍ରଶ୍ନ କରୁଛନ୍ତି । ତାଙ୍କୁ ଜନସାଧାରଣ ଉଚିତ ଜବାବ ଦେବେ ବୋଲି ଇପସିତା କହିଛନ୍ତି।