ଗଜପତିରେ ମୁଖ୍ୟମନ୍ତ୍ରୀଙ୍କ ଦ୍ୱାରା ଅନୁପ୍ରାଣିତ ହୋଇ ଶଙ୍ଖ ଧରିଲେ ବିଜେପି-କଂଗ୍ରେସ କର୍ମୀ

ଗଜପତି: ଗଜପତି ଗସ୍ତରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସିଥିବାବେଳେ ତାଙ୍କ ଦ୍ବାରା ଅନୁପ୍ରାଣିତ ହୋଇ ବିଜେଡ଼ିରେ ସାମିଲ ହେଲେ ବହୁ ବିଜେପି ଓ କଂଗ୍ରେସ କର୍ମୀ। ଅଞ୍ଚଳରେ ଅନେକ ଗୁଡ଼ିଏ ବିକାଶ ମୂଳକ ଯୋଜନା କାର୍ଯ୍ୟକାରୀ କରିଛନ୍ତି ମୁଖ୍ୟମନ୍ତ୍ରୀ। ଜିଲ୍ଲାର ଯାହା କିଛି ଉନ୍ନତି ହୋଇଛି କେବଳ ମୁଖ୍ୟମନ୍ତ୍ରୀଙ୍କ ଦ୍ବାରା ସମ୍ଭବ ହୋଇପାରିଛି। ତାଙ୍କ ନେତୃତ୍ଵରେ ଆଗକୁ ଆହୁରି ବିକାଶ ହେବ ତେଣୁ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଛି ବୋଲି କହିଛନ୍ତି  କର୍ମୀ।

ମୋହନା ନିର୍ବାଚନ ମଣ୍ଡଳୀ ଅନ୍ତର୍ଗତ ରାୟଗଡ ବ୍ଲକ ନାରାୟଣପୁର ପଞ୍ଚାୟତର ୭ ଓ୍ବାର୍ଡ ମେମ୍ବର ସହ ସମିତି ସଭ୍ୟ ଅନିତା ରାଣୀ ପଟ୍ଟନାୟକ, ପୋତାର ଓ ଏସ କରଡାସିଂ ପଞ୍ଚାୟତର ଓ୍ବାର୍ଡ ମେମ୍ବର ସହ ଶତାଧିକ କର୍ମୀ, ବିଜେପି ଛାଡ଼ି ବିଜୁ ଜନତା ଦଳରେ ସାମିଲ ହୋଇଛନ୍ତି। ଜିଲ୍ଲା କାର୍ଯ୍ୟାଳୟ ଠାରେ ଆୟୋଜିତ ମିଶ୍ରଣ ପର୍ବରେ ବିଜେଡ଼ି ଜିଲ୍ଲା ସଭାପତି ଜଗବନ୍ଧୁ ଦାସ, ପର୍ଯ୍ୟବେକ୍ଷକ ପୃଥିବୀ ସାହୁ, ରାଜ୍ୟ ସମ୍ପାଦକ ପ୍ରଦୀପ ନାୟକ, ବିଧାୟକ ପ୍ରାର୍ଥୀ ଅନ୍ତର୍ଯ୍ୟାମୀ ଗମାଙ୍ଗ ଓ ବ୍ଲକ ଅଧ୍ୟକ୍ଷା ପୂର୍ଣ୍ଣବାସୀ ନାୟକ, ଉପାଧ୍ୟକ୍ଷ ଜ୍ୟୋତି ପାଣି ପ୍ରମୁଖ ଉପସ୍ଥିତ ରହି ନବାଗତଙ୍କୁ ଉପଢୌକନ ଦେଇ ସ୍ବାଗତ ସମ୍ବର୍ଦ୍ଧନା ଜଣାଯାଇଛନ୍ତି। ପଞ୍ଚାୟତ ସ୍ତରର ଏଭଳି ସଂଗଠକ ମାନେ ଦଳରେ ସାମିଲ ହୋଇଥିବା ଫଳରେ ମୋହନା ନିର୍ବାଚନ ମଣ୍ଡଳୀର ବିଜେଡ଼ି ଆହୁରି ସୁଦୃଢ ହେବ ବୋଲି କହିଛନ୍ତି ବିଧାୟକ ପ୍ରାର୍ଥୀ ଅନ୍ତର୍ଯ୍ୟାମୀ ଗମାଙ୍ଗ।