ଭୁଶୁଡୁଛି ଲାଲଗଡ, ଛତିଶଗଡ଼ ପୋଲିସ ନିକଟରେ ଆତ୍ମସମର୍ପଣ କଲେ ୧୬ ମାଓବାଦୀ

ବ୍ୟୁରୋ ରିପୋର୍ଟ: ଭୁଶୁଡୁଛି ଲାଲଗଡ। ଛତିଶଗଡ଼ ପୋଲିସ ନିକଟରେ ୧୬ ହାର୍ଡକୋର ମାଓବାଦୀ ଆତ୍ମସମର୍ପଣ କରିଛନ୍ତି। ବିଜାପୁର ପୋଲିସ ନିକଟରେ ପିଏଲଜିଏ ସଂଗଠନର ୧୬ ମାଓବାଦୀ ଆତ୍ମସମର୍ପଣ କରିଛନ୍ତି। ସରେଣ୍ଡର କରିଥିବା ନକ୍ସଲଙ୍କ ମଧ୍ୟରେ ଅଛନ୍ତି ଅରୁନ କାଡତି, ରମେଶ ହେମଲା। ଆତ୍ମସମର୍ପଣକାରୀ ୪ ନକ୍ସଲଙ୍କ ଉପରେ ମୋଟ ୧୮ ଲକ୍ଷ ଟଙ୍କାର ପୁରସ୍କାର ଥିଲା।

ସୁକମା ଆକ୍ରମଣ ଘଟଣାରେ ସାମିଲ ଥିଲେ କାଡତି। ଆତ୍ମସମର୍ପଣ କରିଥିବା ହେମଲା ଜଣେ କ୍ୟାଡରଭୁକ୍ତ ମାଓବାଦୀ ଥିଲେ। ଆତ୍ମସମର୍ପଣ ପରେ  ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ପ୍ରତ୍ୟେକଙ୍କୁ ୨୫ ହଜାର ଟଙ୍କା ଲେଖାଏଁ ଅନୁକମ୍ପା ସହାୟତା ପ୍ରଦାନ କରାଯାଇଛି।