କୁଚିଣ୍ଡାରେ ସମ୍ବଲପୁର ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କ ନିର୍ବାଚନୀ ରାଲି

କୁଚିଣ୍ଡା: କୁଚିଣ୍ଡାରେ ସମ୍ବଲପୁର ଲୋକସଭା ପ୍ରାର୍ଥୀ ପ୍ରଣବ ପ୍ରକାଶ ଦାସଙ୍କ ପାଓ୍ବାର ଶୋ। ମନ୍ଦିର ଛକରୁ ପଞ୍ଚମୁଖୀ ଛକ, ବସଷ୍ଟାଣ୍ଡ ଦେଇ କଲେଜ ଛକ ପର୍ଯ୍ୟନ୍ତ କରିଛନ୍ତି ବିରାଟ ବାଇକ ରାଲି। ହଜାର ହଜାର ସଂଖ୍ୟାରେ ଜନସାଧାରଣ ଯୋଗଦାନ। ରାଲି ପରେ କଲେଜ ପଡିଆରେ ଅନୁଷ୍ଠିତ ହୋଇଥିଲା ବିରାଟ କର୍ମୀ ସମ୍ମିଳନୀ। ସମ୍ମିଳନୀରେ ଉପସ୍ଥିତ ଥିଲେ ବିଧାୟକ ପ୍ରାର୍ଥୀ ରାଜେନ୍ଦ୍ର ଛତ୍ରିଆ ଯୋଗ ଦେଇଥିଲେ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ଧାରାକୁ କୁଚିଣ୍ଡା ନିର୍ବାଚନ ମଣ୍ଡଳୀରେ ଆଗେଇ ନେବାକୁ ହେଲେ ଚଳିତ ନିର୍ବାଚନରେ ସାଂସଦ ଏବଂ ବିଧାୟକ ପ୍ରାର୍ଥୀଙ୍କୁ ଦୁଇ ଥର ଶଙ୍ଖଚିହ୍ନରେ ଭୋଟ ଦେବା ପାଇଁ ପ୍ରାର୍ଥୀମାନେ ନିବେଦନ କରିଛନ୍ତି। ଏହି ଅବସରରେ ପ୍ରଣବ ପ୍ରକାଶ କହିଛନ୍ତି, ଯେତେବେଳେ କୁଚିଣ୍ଡା ଯାହା ମାଗିଛି ତାହା ମିଳିଛି। ରାସ୍ତା ଠାରୁ ଆରମ୍ଭ କରି ଆଇଟିଆଇ ପର୍ଯ୍ୟନ୍ତ ଦାବି ପୂରଣ କରାଯାଇଛି । BSKY ଏବଂ ନୂଆ-ଓ ରେ ଛାତ୍ରବୃତ୍ତି ଦ୍ବାରା ଏଠିକାର ଲୋକେ ଅନେକ ଉପକାର ପାଇଛନ୍ତି। ପୂର୍ବଥର ଏଠାରେ ଗୋଟିଏ ବିଜେଡିକୁ ଏବଂ ଗୋଟିଏ ବିଜେପିକୁ ଭୋଟ ଦେଇଥିଲେ।

ବିଜେପି ସାଂସଦ ୫ ବର୍ଷ ଦେଖାଦେଲେନି । ଓଡିଶା ବିଜେପି ଏବଂ କଂଗ୍ରେସ ପାଇଁ ଗୋଟିଏ ବିନ୍ଦୁ। କିନ୍ତୁ ବିଜୁ ଜନତା ଦଳ ପାଇଁ ଏହା ଏକ ସିନ୍ଧୁ । ସାଢେ ଚାରିକୋଟି ଓଡିଆ ବିଜେଡିର ବଳ । ୧୦ ବର୍ଷ ଧରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିଜ ଗାଁ ପାଇଁ କିଛି କରିପାରିଲେ ନାହିଁ ସେ ରାଜ୍ଯ ପାଇଁ ଓ ନିଜ ନିର୍ବାଚନମଣ୍ଡଳି ପାଇଁ କଣ କରିବେ? ସେ କେବଳ ମିଠା ଭାଷଣ ଦେବା ଜାଣିଛନ୍ତି । କେନ୍ଦ୍ର ସରକାର ରାଜ୍ୟରୁ MCL ମାଧ୍ୟମରେ କୋଇଲାରୁ ବର୍ଷକୁ ୨୫ ହଜାର କୋଟି ଟଙ୍କା ଲାଭ ନେଉଛନ୍ତି। ନାଲକୋ ୫ ହଜାର କୋଟି ଲାଭ କରୁଛି। ରେଲୱେ ୧୫ ହଜାର କୋଟି ଟଙ୍କା ଲାଭ କରୁଛି। ବର୍ଷକୁ ୫୦ ହଜାର କୋଟି ରୁ ଅଧିକ ନେଉଛନ୍ତି କେନ୍ଦ୍ର ସରକାର । କେବଳ ଏହି ୪/୫ଟି ନିର୍ବାଚନୀମଣ୍ଡଳିରୁ ଅଢେଇ ଲକ୍ଷ କୋଟି ଟଙ୍କା ନେଇଛନ୍ତି। ହେଲେ ଦେଇଛନ୍ତି କଣ ? ତାଙ୍କୁ ହିସାବ ମାଗନ୍ତୁ ବୋଲି ପ୍ରଶ୍ନ କରିଛନ୍ତି ପ୍ରଣବ।

କିନ୍ତୁ ମୁଖ୍ୟମନ୍ତ୍ରୀଙ୍କୁ ହିସାବ ମାଗନ୍ତୁ କଣ ନ ମିଳିଛି। 5T ସ୍କୁଲ, ମିଶନଶକ୍ତି ପରବର୍ତ୍ତୀସ୍ତରକୁ ଗଲାଣି। ବିଜୁ ଏକ୍ସପ୍ରେସ ଓ୍ବେ ଏବଂ 55 ନମ୍ବର ଜାତୀୟ ରାଜପଥ ଦେଖନ୍ତୁ। ଗତ ୩ ଦିନ ତଳେ ୩ ଜଣଙ୍କ ଶୋଚନୀୟ ମୃତ୍ୟୁ ହୋଇଛି। ଏଥିରୁ ଜାଣନ୍ତୁ କଣ ବିକାଶ ହୋଇଛି ? ମୁଖ୍ୟମନ୍ତ୍ରୀଙ୍କ ପ୍ରତିବଦ୍ଧତାକୁ ଦେଖନ୍ତୁ । କେନ୍ଦୁପତ୍ର ତୋଳାଳିଙ୍କ ଉପରେ କେନ୍ଦ୍ର ସରକାର ୧୮ ପ୍ରତିଶତ ଜିଏସଟି ଲଗେଇଛନ୍ତି। ଅନେକ ଥର ମୁଖ୍ୟମନ୍ତ୍ରୀ ଛାଡ କରିବା ପାଇଁ ଚିଠି ଲେଖିଛନ୍ତି। କିନ୍ତୁ କିଛି ହେଲାନି। ମୁଖ୍ୟମନ୍ତ୍ରୀ ନିଜେ ରିହାତି ଦେଇଛନ୍ତି, ଝିଅ ବାହାଘର ସହାୟତା ମିଳୁଛି। ସମୟ ଆସିଛି ବିଚାର କରିବା ପାଇଁ ବୋଲି ଜନତାଙ୍କୁ ଆହ୍ବାନ ଦେଇଛନ୍ତି ପ୍ରଣବ।