ଦୟାକରି ପିଲାଙ୍କୁ କୁହନ୍ତୁନି ଏମିତି…

ଏହି ସବୁ ଶବ୍ଦ ବ୍ୟବହାର କରନ୍ତୁ ନାହିଁ

ଶିଶୁଙ୍କ ବୟସ ଅନୁସାରେ ତାଙ୍କ ଲାଳନପାଳନ କରିବା ଏକ ସମ୍ବେଦନଶୀଳ ଏବଂ ସୁକ୍ଷ୍ମ ପ୍ରକ୍ରିୟା,  ଯାହା ବାସ୍ତବିକ ଦୁନିଆ ପାଇଁ ତାଙ୍କୁ ପ୍ରସ୍ତୁତ କରିବାର ଏକ ନିରନ୍ତର ପ୍ରୟାସ । ମାତା ପିତାଙ୍କୁ ସଠିକ୍ ଉଦାହରଣ ପ୍ରସ୍ତୁତ କରିବା, ଶିଶୁଙ୍କୁ ଭଲ ଭାଷା ଶିଖାଇବା ପାଇଁ କିଛି ସରଳ ଉପାୟ ଆପଣେଇବାକୁ ପଡ଼ିବ । ଯେତେବେଳେ ଶିଶୁ ବଢ଼ିଲା ବୟସରେ ଥାଏ, ମାତା ପିତା ବ୍ୟବହାର କରୁଥିବା ଶବ୍ଦ ଗୁଡ଼ିକ ତାକୁ ବହୁ ମାତ୍ରାରେ ପ୍ରଭାବିତ କରିଥାଏ । ସେଥିପାଇଁ କୁହାଯାଏ ଯେ ଶିଶୁ ମାନଙ୍କ ଆଗରେ ଅତି ସଞ୍ଜମତା ଏବଂ ସତର୍କ ହୋଇ କଥା ହେବା ଉଚିତ ।  

ପଜିଟିଭ ପ୍ୟାରେଣ୍ଟିଂ

ଏକ୍ସପର୍ଟଙ୍କ କହିବା ଅନୁଯାୟୀ ଶିଶୁ ମାନେ ଖୁବଶୀଘ୍ର କଥା ଏବଂ ଆଚରଣକୁ ଗ୍ରହଣ କରିଥାନ୍ତି । ତେଣୁ ଶିଶୁର କଥାବାର୍ତ୍ତା ଏବଂ ଆଚରଣ ତାଙ୍କ ମସ୍ତିସ୍କ ବିକାଶ ଉପରେ ଗୁରୁତ୍ୱ ବହନ କରେ । ଖରାପ କଥା ବା ଅଭଦ୍ର ଭାଷା କହିବାରୁ ତ ମାତାପିତା ମାନେ ଶିଶୁଙ୍କୁ ଆକଟ କରିଥାନ୍ତି । କିନ୍ତୁ ତା ବାଦ୍ ଆହୁରି ଅନେକ ଶବ୍ଦ ରହିଛି ଯାହା ଶିଶୁଙ୍କ ମସ୍ତିଷ୍କ ପ୍ରଭାବିତ କରିଥାଏ । ତେବେ ଜାଣନ୍ତୁ କଣ ସେ ଶବ୍ଦ ଗୁଡ଼ିକ…

୧.  ନଷ୍ଟ କରିଦେବା (Spoiled)

ଯଦି ଏପରି କିଛି ପରିସ୍ଥିତି ଆସିଲା ଓ ଆପଣ ଶିଶୁ ସହିତ କଥା ହେଉଛନ୍ତି ତେବେ ‘ନଷ୍ଟ’  (Spoiled) ଶବ୍ଦ ବ୍ୟବହାର କରନ୍ତୁ ନାହିଁ ।

ଉଦାହରଣ-

୧. ମୁଁ ଘର ସଜାଡ଼ିକି ଯାଇଥିଲି, କିନ୍ତୁ ତୁ ସବୁ ନଷ୍ଟ କରିଦେଲୁ’ ।

୨. ‘ତୋ ପାଇଁ ମୁଁ ମୋ ଲାଇଫ, କ୍ୟାରିୟର ସ୍ପଏଲ କରିଦେଲି ।‘

ଏଭଳି ଶବ୍ଦକୁ ବୁଝିବାର ସାମର୍ଥ୍ୟ ଶିଶୁ ମାନଙ୍କ ପାଖରେ ନଥାଏ । ଏହା ତାଙ୍କ ଆତ୍ମବିଶ୍ୱାସ ଉପରେ ପ୍ରଭାବ ପକାଇବା ସହିତ ଆଗାମୀ ଦିନରେ ଆପଣଙ୍କ ପାଖରେ ଖୋଲିକି କିଛି କଥା ହେବା ପାଇଁ କୁଣ୍ଠାବୋଧ କରିବେ ।

୨. ଚାଲାକ ( Smart )

ଶିଶୁ ମାନଙ୍କୁ ତାଙ୍କ ବୁଦ୍ଧିର ପ୍ରଂଶସା କରିବା ଭଲ କଥା, କିନ୍ତୁ ବୈଜ୍ଞାନିକଙ୍କ କହିବା ଅନୁସାରେ, ସ୍ମାର୍ଟ କହିବା ଦ୍ୱାରା ତାଙ୍କ ବାସ୍ତବିକ ପରିଶ୍ରମ ତାଙ୍କ ଠାରୁ ଛଡ଼େଇ ନେଲା ପରି ହୋଇଥାଏ । ଏହା ଦ୍ୱାରା ତାଙ୍କୁ ଏହା ବିଶ୍ୱାସ କରିବା ପାଇଁ ବାଧ୍ୟ କରାଯାଇଥାଏ ଯେ ସେ ସ୍ୱତନ୍ତ୍ର ବୁଦ୍ଧି ସହିତ ଜନ୍ମ ହୋଇଛନ୍ତି ଏବଂ ସେ ଅନ୍ୟ ଶିଶୁ ମାନଙ୍କ ତୁଳନାରେ ଭିନ୍ନ ।

 ୩. ବୋକା ( Stupid )

ଶିଶୁ ମାନଙ୍କ ‘ବୋକା’ ଭଳି ନକାରାତ୍ମକ ଶବ୍ଦରେ ଡାକିବା ତାଙ୍କ ମସ୍ତିଷ୍କ ଉପରେ ପ୍ରଭାବ ପକାଇଥାଏ । ତାଙ୍କୁ ରାଗରେ ହେଉ କିମ୍ବା ଥଟ୍ଟାରେ ଏଭଳି ଶବ୍ଦ ବ୍ୟବହାର କରିବାରୁ ଦୂରେଇ ରୁହନ୍ତୁ ।

୪. ରାଜକୁମାରୀ/ ହିରୋ ( Princess/Hero)

ମନବିଜ୍ଞାନୀଙ୍କ ଅନୁସାରେ, ପିଲାଙ୍କୁ ରାଜକୁମାରୀ କିମ୍ବା ହିରୋ ଭଳି ଶବ୍ଦର ବ୍ୟବହାର ଫଳରେ ସେମାନେ ନିଜକୁ ଏକ ସ୍ୱତନ୍ତ୍ର ଭାବନା ରାଇଜରେ ରହିବା ଭଳି ମନେ କରନ୍ତି । ଆଇଡେଣ୍ଟିଟି ଏବଂ ଜେଣ୍ଡର ସମ୍ବର୍ଦ୍ଧିତ ତଥ୍ୟ ଜାଣିବା ପୂର୍ବରୁ ତାଙ୍କୁ ଏଭଳି ଶବ୍ଦ କୁହନ୍ତୁ ନାହିଁ ।