କାରରୁ ୫୫ ଲକ୍ଷ ୨୦ ହଜାର ଟଙ୍କା ମିଳିବା ଘଟଣା, ଛାନଭିନ୍ ଆରମ୍ଭ କଲା ଆୟକର ବିଭାଗ

ବିନିକା: ବିନିକା ପୋଲିସ ହାତରେ ଲାଗିଥିବା ୫୫ ଲକ୍ଷ ୨୦ ହଜାର ଟଙ୍କାକୁ ନେଇ ଛାନବିନ୍ ଆରମ୍ଭ କରିଛି ଆୟକର ବିଭାଗ। ଦୁଇଦିନ ତଳେ ବିନିକା ପୋଲିସ କଲେଜ ଛକରେ ଚେକିଂ କରୁଥିବା ସମୟରେ ଏକ ଇନୋଭା କାରରୁ ୫୫ଲକ୍ଷ ୨୦ ହଜାର ଟଙ୍କା ଜବତ କରିଥିଲା। ଏତେ ଟଙ୍କା କିଏ, କେଉଁଠୁ ଆଣିଲା ତା’ର ତଦନ୍ତ କରିବା ସହ ଆୟକର ବିଭାଗକୁ ମଧ୍ୟ ଖବର ଦେଇଥିଲା ବିନିକା ପୋଲିସ।

ଆଜି ସମ୍ବଲପୁର ଆୟକର ବିଭାଗର ଏକ ଟିମ୍ ବିନିକା ଥାନାକୁ ଆସି ବିଭିନ୍ନ ଦିଗକୁ ନେଇ ତଦନ୍ତ ଆରମ୍ଭ କରିଛନ୍ତି। କାରରେ ଥିବା ଲୋକଙ୍କୁ ପଚରାଉଚରା କରାଯାଉଛି। ତେବେ ଏନେଇ ଆୟକର ବିଭାଗ ପକ୍ଷରୁ କୌଣସି ପ୍ରତିକ୍ରିୟା ମିଳି ନାହିଁ। ଯଦିଓ କାରରେ ଥିବା ଆନ୍ଧ୍ରପ୍ରଦେଶର ଲୋକ କହିଛନ୍ତି ଯେ ଏହା ଜମି ବିକ୍ରି ଟଙ୍କା ।