କଂଗ୍ରେସରେ ଟିକେଟ ବିକ୍ରି ହେଉଛି: ପାଣ୍ଡଵ କର୍ଣ୍ଣ

ବରଗଡ଼: ଟଙ୍କା ଦମରେ କଂଗ୍ରେସରେ ମିଳୁଛି ଟିକେଟ। ଦଳ ଟିକେଟ ବିକ୍ରି ହେଉଥିବା  ସାଙ୍ଘାତିକ ଅଭିଯୋଗ ଆଣିଲେ ବରଗଡ଼ର କଂଗ୍ରେସ ଟାଣୁଆ ନେତା ପାଣ୍ଡଵ କର୍ଣ୍ଣ । ଦୀର୍ଘ ବର୍ଷ ଧରି କଂଗ୍ରେସ ଦଳ ପାଇଁ କାର୍ଯ୍ୟ କରିଆସୁଥିଲେ ସୁଦ୍ଧା କଂଗ୍ରେସ ଦଳ ତାଙ୍କ ପ୍ରତି ଅବହେଳା କରିଥିବା ଏବଂ ତାଙ୍କୁ ବିଧାୟକ ପ୍ରାର୍ଥୀ ଭାବେ ଚୟନ କରିନଥିବାରୁ ଅସନ୍ତୋଷ ଜାହିର କରିଛନ୍ତି । କଂଗ୍ରେସ ଦଳରେ ଟିକେଟ ବିକ୍ରି ହୋଇଥିବା ଏବଂ ତାଙ୍କୁ ଟିକେଟ ପାଇଁ ଟଙ୍କା ମାଗିଥିବା ସେ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଆଗାମୀ ଦିନରେ ଦଳ ତାଙ୍କୁ ପ୍ରାର୍ଥୀ ଭାବରେ ଚୟନ ନକଲେ ସେ କଂଗ୍ରେସ ଦଳରୁ ଇସ୍ତଫା ଦେବା ସହ ସ୍ୱାଧୀନ ଭାବରେ ନିର୍ବାଚନ ଲଢ଼ିବେ ବୋଲି ଚେତାବନୀ ଦେଇଛନ୍ତି ।