୩୭ ବର୍ଷ ବୟସରେ ଆୟାର୍ଲାଣ୍ଡ ପ୍ରଧାନମନ୍ତ୍ରୀ ହେବେ ଯୁବ ନେତା, ଜାଣନ୍ତୁ କାରଣ ?
1 min read
ଡବଲିନ୍: ଆୟାର୍ଲାଣ୍ଡ ପ୍ରଧାନମନ୍ତ୍ରୀ ଲିଓ ଭରାଡକର ଇସ୍ତଫା ଦେବା ପରେ ସାଇମନ୍ ହାରିସ୍ ଦଳର ନେତା ଭାବରେ ନିଯୁକ୍ତ ହୋଇଛନ୍ତି। ଯାହା ପରେ ସାଇମନ୍ ଆୟରଲ୍ୟାଣ୍ଡର ସର୍ବ କନିଷ୍ଠ ପ୍ରଧାନମନ୍ତ୍ରୀ ହେବାକୁ ପ୍ରସ୍ତୁତ । ୩୭ ବର୍ଷୀୟ ସାଇମନ୍ ସୋସିଆଲ ମିଡିଆରେ ମଧ୍ୟ ବହୁତ ସକ୍ରିୟ । ଆୟାର୍ଲାଣ୍ଡ ଗଣମାଧ୍ୟମ ତାଙ୍କୁ ‘ଟିକଟକ୍ ତାଓସିଚ୍’ ନାମ ଦେଇସାରିଛି | ତାଓସିଚ୍କୁ ଆୟର୍ଲାଣ୍ଡର ସର୍ବୋଚ୍ଚ ନେତା କୁହାଯାଏ । ଲିଓ ଭରାଡକର ସାଇମନ୍ ହାରିସଙ୍କ ପୂର୍ବରୁ ସର୍ବକନିଷ୍ଠ ଟାଇଟଲ ଲିଓ ଭରାଡକରଙ୍କ ପାଖରେ ଥିଲା । ଯିଏକି ୨୦୧୭ ରେ ୩୮ ବର୍ଷ ବୟସରେ ଏହି ପଦ ଗ୍ରହଣ କରିଥିଲେ।
ଭରାଡକରଙ୍କ ହଠାତ୍ ଇସ୍ତଫା ପରେ ସାଇମନ୍ ହାରିସ୍ ପ୍ରଧାନମନ୍ତ୍ରୀ ହେବା ଏବଂ ଫାଇନ୍ ଗେଲ୍ ପାର୍ଟିର ନେତୃତ୍ୱ ନେବାର ସୁଯୋଗ ପାଇଛନ୍ତି। ପ୍ରଧାନମନ୍ତ୍ରୀ ପଦ ପାଇଁ ହ୍ୟାରିସ୍ ତାଙ୍କର ଅଧିକାଂଶ ଦଳର ସହକର୍ମୀଙ୍କ ସମର୍ଥନ ପାଇଛନ୍ତି। ଏହା ପରେ ସେ କହିଥିଲେ ଯେ କଠିନ ପରିଶ୍ରମ, ଏବଂ ଦିନରାତି ଦାୟିତ୍ବ ବୋଧକ କାର୍ଯ୍ୟ କରି ସେ ସେମାନଙ୍କ ବିଶ୍ୱାସକୁ ଜିତିପାରିବେ ।
ସାଇମନ୍ ହାରିସ୍ ପିଲାଦିନରୁ ରାଜନୀତିରେ ସକ୍ରିୟ ଥିଲେ। ଗ୍ରାଜୁଏସନ୍ ପରେ ସେ ଦଳର ଯୁବ ୱିଙ୍ଗରେ ଯୋଗ ଦେଇଥିଲେ। ଖୁବ୍ କମ୍ ସମୟ ମଧ୍ୟରେ ହ୍ୟାରିସ୍ ନିଜକୁ ଜଣେ ଉତ୍ସର୍ଗୀକୃତ ରାଜନେତା ଭାବରେ ପ୍ରମାଣିତ କରିଛନ୍ତି । ସେ ପାର୍ଟି ଭିତରେ ଅନେକ ଭିନ୍ନ ଦାୟିତ୍ବ ତୁଲାଇଛନ୍ତି ।
ହାରିସ ୨୦୧୬ ରୁ ୨୦୨୦ ପର୍ଯ୍ୟନ୍ତ ଆୟର୍ଲାଣ୍ଡର ସ୍ୱାସ୍ଥ୍ୟମନ୍ତ୍ରୀ ଭାବେ ଦାୟିତ୍ବ ଗ୍ରହଣ କରିଥିଲେ। ତାଙ୍କ କାର୍ଯ୍ୟକାଳ ମଧ୍ୟରେ କୋଭିଡ୍ -19 ମହାମାରୀ ଦେଶରେ ବ୍ୟାପିଗଲା । ଯାହାର ପରିଚାଳନାରେ ହାରିସ୍ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ବର୍ତ୍ତମାନ ସେ ଶିକ୍ଷା ମନ୍ତ୍ରୀ ଭାବରେ କାର୍ଯ୍ୟ କରୁଛନ୍ତି। ତାଙ୍କ କାର୍ଯ୍ୟକାଳ ଏବଂ ନେତୃତ୍ୱ ସମୟରେ ସେ ନିଜ ଦକ୍ଷତାକୁ ଅନେକ ଥର ପ୍ରମାଣ କରିଛନ୍ତି ।
ଭାରତୀୟ ବଂଶୋଦ୍ଭବ ଲିଓ ଭରାଦକର ହଠାତ୍ ତାଙ୍କ ପଦରୁ ଇସ୍ତଫା ଦେଇଥିଲେ। ତାଙ୍କ ଇସ୍ତଫା ନେଇ ସମଗ୍ର ଦେଶ ଚକିତ ହୋଇପଡିଛି । ୪୫ ବର୍ଷୀୟ ଭରାଦକର ତାଙ୍କ ଇସ୍ତଫା ପଛରେ ରାଜନୈତିକ କାରଣ ଦର୍ଶାଇଛନ୍ତି। ଏହା ପରେ ସାଇମନ୍ ହାରିସଙ୍କୁ ତାଙ୍କ ଦଳର ସର୍ବୋଚ୍ଚ ନେତା ଭାବରେ ନିଯୁକ୍ତ କରାଯାଇଥିଲା । ସେ ପ୍ରଧାନମନ୍ତ୍ରୀ ପଦବୀରେ ଅବସ୍ଥାପିତ ହେବାକୁ ଥିବା ସର୍ବ କନିଷ୍ଠ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି।
