ଝାରପଡ଼ା ଜେଲରୁ ଅନ୍ୟ ଜେଲକୁ ସ୍ଥାନାନ୍ତର ହେବେ ଚକରା ଓ ଶମ୍ଭୁ !

ଭୁବନେଶ୍ବର: ଝାରପଡା ଜେଲ ଗୋଷ୍ଠୀ ସଂଘର୍ଷ ଘଟଣା । ଅଭିଯୁକ୍ତ ଚକରା ଓ ଶମ୍ଭୁକୁ ଅନ୍ୟ ଜେଲକୁ ସ୍ଥାନାନ୍ତର କରିବାକୁ ଯୋଜନା । ଏଥିପାଇଁ କୋର୍ଟଙ୍କ ଅନୁମତି ମଗାଯାଇଛି । ମୋଟ ୨୦ ଜଣଙ୍କୁ ସ୍ଥାନାନ୍ତର ପାଇଁ କୋର୍ଟର ଅନୁମତି ମଗାଯାଇଛି । ଏ ନେଇ ସୂଚନା ଦେଇଛନ୍ତି ଜେଲ ଡିଜି ଏ. ଏମ. ପ୍ରସାଦ ।

ଗଣ୍ଡଗୋଳ ଘଟଣାରେ ବିଚାର ବିଭାଗୀୟ ତଦନ୍ତ ରିପୋର୍ଟ ହସ୍ତଗତ ହୋଇଛି । ଡିଆଇଜି ଅନସୂୟା ଜେନା ଓ ସିନିୟର ସୁପରିଟେଣ୍ଡେଣ୍ଟ ଡିଏନ ବାରିକ ଜେଲକୁ ଯାଇ ତଦନ୍ତ କରିଛନ୍ତି । ଗୃହ ବିଭାଗକୁ ଏ ସମ୍ପର୍କିତ ରିପୋର୍ଟ ପଠାଯାଇଛି । ଜେଲ କର୍ତ୍ତୃପକ୍ଷଙ୍କ ବିଭାଗୀୟ ତ୍ରୁଟି ଧରାପଡିଥିବା କହିଛନ୍ତି ଡିଜି । ଗତକାଲି ବିପୁଳ ପରିମାଣର ନିଶାଦ୍ରବ୍ୟ  ଜବତ ହୋଇଥିଲା । କମିଶନରେଟ ପୋଲିସ ପକ୍ଷରୁ ଜେଲରେ ଚଢ଼ାଉ ହୋଇଥିଲା । ୩ ଦିନ ତଳେ ଚକରା ଓ ଶମ୍ଭୁ ଗୋଷ୍ଠୀ ଭିତରେ ଗଣ୍ଡଗୋଳ ହୋଇଥିଲା । ଏ ନେଇ ଲକ୍ଷ୍ମୀସାଗର ଥାନାରେ ଏତଲା ମଧ୍ୟ ହୋଇଛି । ସେପଟେ ନିର୍ବାଚନକୁ ଦୃଷ୍ଟିରେ ରଖି ସାରା ରାଜ୍ୟରେ ଜେଲ ସୁରକ୍ଷା ଉପରେ ଧ୍ୟାନ ଦିଆଯାଇଛି । ଜେଲକୁ କିଭଳି ନିଶାଦ୍ରବ୍ୟ ଚାଲାଣ ନହେବ ସେ ନେଇ ତାଗିଦ କରାଯାଇଛି ।