ଲକ୍ଷ୍ମୀ ବସ୍ ସୁବିଧା ମିଳୁଛି କି ନାହିଁ ତଦାରଖ କରିବ ଏନଫୋର୍ସ ଟିମ୍

ଭୁବନେଶ୍ବର: ଓଡ଼ିଶାର ସଫଳତାର ସହ ଗଡ଼ି ଚାଲିଛି ଲକ୍ଷ୍ମୀ ବସ୍ । ଲୋକଙ୍କ ସୁବିଧା ପାଇଁ ଆଉ ପାଦେ ଆଗେଇଲା ରାଜ୍ୟ ସଡ଼କ ପରିହନ ବିଭାଗ । ଗଠନ ହେଲା ଏନଫୋର୍ସ ଟିମ । ୫୮ଟି ସବଡିଭିଜନରେ ମୃତୟନ ହେବ ଏହି ଟିମ୍ । ଜଣେ ଆସିଷ୍ଟାଣ୍ଟ ମ୍ୟାନେଜରଙ୍କ ନେତୃତ୍ବରେ ୨ରୁ ୪ ଜଣ RAT ବା Revenue assure team କାମ କରିବେ । ଲକ୍ଷ୍ମୀ ଯୋଜନାରେ ଦିଆଯାଉଥିବା ସୁବିଧା ଯାତ୍ରୀ ପାଉଛନ୍ତି ନା ନାହିଁ ତାହାର ତଦାରଖ କରିବ ଏହି ଟିମ୍ ।

କିଛି ଜାଗାରେ ଲକ୍ଷ୍ମୀ ଯୋଜନାର ସୁବିଧା ଲୋକେ ପାଉ ନଥିବା ଅଭିଯୋଗ ଆସିବା ପରେ ଏହି ଟିମ ଗଠନ କରାଯାଇଛି । ସବ ଡିଭିଜନକୁ ଯାତାୟତ କରୁଥିବା ଗାଡିଗୁଡିକର ପରିଚୟପତ୍ର ଯାଞ୍ଚ କରିବ ଏହି ଟିମ । ଯାତ୍ରୀ ବସରେ ଟଙ୍କା ଦେବା ପରେ ଟିକେଟ ପାଉଛନ୍ତି ନା ନାହିଁ ଯାଞ୍ଚ ହେବ । ଗାଡି ସଫା ସୁତରା, ଗାଡିରେ ଇନ୍ଧନ ଅଛି ନା ନାହିଁ, ଯାତ୍ରୀ କୌଣସି ଅଘଟଣର ଶିକାର ନହେବେ, ପକେଟ ମାର, ମହିଳାଙ୍କ ଲାଗି ସିଟ ସଂରକ୍ଷଣ, ବୟସ୍କ ଯାତ୍ରୀଙ୍କୁ ସମ୍ମାନ ସହ କଲେଜ ଛାତ୍ରଛାତ୍ରୀ ଓ ମହିଳାଙ୍କ ଉପଯୁକ୍ତ ଟିକେଟ କଟାଯାଉଛି ନା ନାହିଁ ଏହାର ତଦାରଖ କରିବ ଟିମ୍ । ସମସ୍ତ ବସରେ ETM ମେସିନ ରହିଛି । ଯାତ୍ରୀ ଟିକେଟ ଦର ବିନା ଦ୍ୱିଧାରେ ଦେଇପାରିବେ । କେଉଁ ରୁଟରେ କେତେ ଯାତ୍ରୀ ଯାଇଛନ୍ତି ତାହା ଜଣାପଡିବ। ଏହାଦ୍ଵାରା କୌଣସି ଅନିୟମିତତା ହେଲେ ଜଣାପଡିବ । ଯାତ୍ରୀ ସେବାରେ ସ୍ୱଚ୍ଛତା ଆସି ପାରିବ । ବୟସ୍କ ଓ ମହିଳା ଯାତ୍ରା କରୁଥିବାବେଳେ କୌଣସି ଅସୁବିଧାର ସମ୍ମୁଖିନ ହେଲେ ଏହି ବିଷୟରେ ଜଣାଇ ପାରିବେ । ବସରେ ପାଣି ମିଳୁଛି ନା ନାହିଁ, ଯାତାୟାତ ବେଳେ ବସ ପକ୍ଷରୁ ଯଦି ସହଯୋଗ କରାଯାଉ ନଥିବ,  ଡ୍ରାଇଭର ମୋବାଇଲରେ କଥା ହୋଇ ଗାଡି ଚଳାଉଥିଲେ ଭିଡ଼ିଓ କରି ସୋସିଆଲ ମିଡିଆ କିମ୍ବା ଏକ୍ସରେ ଟ୍ୟାଗ କରି ଜଣାଇ ପାରିବେ । ଯାହା ଫଳରେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ । ଏ ସବୁର ତଦାରଖ କରିବା ପାଇଁ ଏନଫୋର୍ସ ଟିମ ଚଢ଼ାଉ କରି ଯାଞ୍ଚ କରିବେ । ଆଗାମୀ ଦିନରେ ଲକ୍ଷ୍ମୀ ବସରେ ସ୍ମାର୍ଟ କାର୍ଡର ବ୍ୟବସ୍ଥା କରିବାକୁ ଯୋଜନା କରିଛି OSRTC  ।