ଏସିଆ ବୁକ୍ ଅଫ ରେକର୍ଡରେ ସ୍ଥାନ ପାଇଲା ବିଶ୍ବର ସବୁଠରୁ ଛୋଟ ରାମ ମନ୍ଦିର

ଭୁବନେଶ୍ବର: ବିଶ୍ଵର ସବୁଠାରୁ ଛୋଟ ରାମ ମନ୍ଦିର ତିଆରି ହୋଇଛି କାଠରେ । ଏହି ମନ୍ଦିର ଏସିଆ ବୁକ୍ ଅଫ୍ ରେକର୍ଡସରେ ସ୍ଥାନ ପାଇଛି । ବାଲୁକା ଶିଳ୍ପୀ ସତ୍ୟଙ୍କ କାଳ କୃତି ଏସିଆ ବୁକ୍ ଅଫ୍ ରେକର୍ଡସରେ ସ୍ଥାନ ପାଇ ଥିବାରୁ ସେ ଖୁସି ବ୍ୟକ୍ତ କରିଛନ୍ତି ।
ବାଲୁକା ଶିଳ୍ପୀ ସତ୍ୟ ନାରାୟଣ ମହାରଣା ଅଯୋଧ୍ୟାରେ ଶ୍ରୀ ରାମ ଲଲ୍ଲାଙ୍କ ମନ୍ଦିର ପ୍ରତିଷ୍ଠା ସମୟରେ ନିର୍ମାଣ କରିଥିଲେ ଅଯୋଧ୍ୟାର ଅବିକଳ ମନ୍ଦିର। ଯାହାକି ଇଣ୍ଡିଆ ବୁକ୍ ଅଫ୍ ରେକର୍ଡସ୍ ରେ ସ୍ଥାନ ପାଇସାରିଛି। ଏହାର ଉଚ୍ଚତା ୨cm ଓ ଓସାର ୫mm ରହିଛି । ଅତି ଛୋଟ ହେଲେ ସୁଦ୍ଧା ଅତି ସୂକ୍ଷ୍ମ କାରୁକାର୍ଯ୍ୟ କରିଛନ୍ତି ଶିଳ୍ପୀ ସତ୍ୟ। ସବୁ ସେ ମା କନ୍ଧୁଣୀ, ବୁଢ଼ୀ ଠାକୁରାଣୀ ଓ ଜଗନ୍ନାଥ, ଶ୍ରୀ ରାମ ଙ୍କ କୃପାରୁ ଏ ରେକର୍ଡ ହୋଇପାରିଛି। ଏସିଆ ବୁକ୍ ଅଫ୍ ରେକର୍ଡସରେ ସ୍ଥାନ ପାଇବା ପରେ ସତ୍ୟ ବହୁତ ଖୁସି ହୋଇଛନ୍ତି । ଆଗାମୀ ଦିନରେ ଅନେକ ବୁକ୍ ଅଫ୍ ରେକର୍ଡସ୍ ସ୍ଥାନ ପାଇବ ବୋଲି ଆଶା ରଖିଛନ୍ତି ଶିଳ୍ପୀ ସତ୍ୟ ।