ପରିବାରର ୪ ସଦସ୍ୟଙ୍କ ମୃତ୍ୟୁ ସହିପାରିଲେନି, ଝୁଲି ପଡିଲେ ପୁଅ

ବଲାଙ୍ଗୀର: ଗ୍ୟାସ ସିଲିଣ୍ଡର ଫାଟି ପରିବାରର ୪ ଜଣଙ୍କ ମୃତ୍ୟୁ ପରେ ୧୯ ବର୍ଷୀୟ ପୁଅର ଆତ୍ମହତ୍ୟା। ବଲାଙ୍ଗୀର ଜିଲ୍ଲା ପାଟଣାଗଡ଼ ବେଲପଡ଼ା ଥାନା କାନୁଟ ଗାଁରେ ଏହି ଦୁଃଖଦ ଘଟଣା ଘଟିଛି । ଆତ୍ମହତ୍ଯା କରିଥିବା ମୃତକ ହେଲେ ଦ୍ରୋଣ ମହାକୁର । ଗତ ୧୦ ତାରିଖରେ ମାଳତୀ ମହାକୁରଙ୍କ ଘରର ଗ୍ୟାସ ସିଲିଣ୍ଡର୍ ଫାଟିଥିଲା। ଏଥିରେ ୪ ଜଣ ଆହତ ହୋଇଥିଲେ। ସମସ୍ତଙ୍କୁ ରାଉରକେଲା ଆଇଜିଏଚରେ ଭର୍ତ୍ତି କରାଯାଇଥିଲା ।

୧୨ ତାରିଖରେ ଚିକିତ୍ସାଧୀନ ଅବସ୍ଥାରେ ଜଣଙ୍କ ମୃତ୍ୟୁ ହୋଇଥିଲା । ୧୬ ତାରିଖରେ ମାଳତୀ ମହାକୁରଙ୍କୁ ମିଶାଇ ୩ ଜଣ ପ୍ରାଣ ହରାଇଥିଲେ । ଏଥିରେ ମିୟମ୍ରାଣ ହୋଇ ମୃତ ମାଳତୀଙ୍କ ପୁଅ ଦ୍ରୋଣ ମହାକୁର ଆତ୍ମହତ୍ୟା କରିଛନ୍ତି । ଘଟଣାକୁ ନେଇ ଅଞ୍ଚଳରେ ଶୋକର ଛାୟା ଖେଳି ଯାଇଛି। ୩ ଜଣଙ୍କ ମୃତଦେହ ଘରକୁ ଆସି ଥିବା ବେଳେ ମାଳତୀ ମହାକୁରଙ୍କ ଶବ ଘରେ ପହଞ୍ଚି ନଥିବା ସୂଚନା ମିଳିଛି ।