ଜିଲ୍ଲା ଖଣିଜ ପାଣ୍ଠି ବା ଡିଏମ୍ଏଫ୍ ଖର୍ଚ୍ଚ ନେଇ ବିଧାନସଭାରେ ଉଦ୍ବେଗ
ଜିଲ୍ଲା ଖଣିଜ ପାଣ୍ଠି ବା ଡିଏମ୍ଏଫ୍ ଖର୍ଚ୍ଚ ନେଇ ବିଧାନସଭାରେ ଉଦ୍ବେଗ । ଖଣି ଅଞ୍ଚଳର ୧୦ କିଲୋମିଟର ବ୍ୟାସାର୍ଦ୍ଧ ଅଞ୍ଚଳରେ ଡିଏମ୍ଏଫ୍ ଅର୍ଥ ଖର୍ଚ୍ଚ ହେବା କଥା । ହେଲେ ଏହା ଅନ୍ୟ ଅଞ୍ଚଳରେ ଖର୍ଚ୍ଚ ହେଉଥିବା ବିଜେଡି ବିଧାୟକ କିଶୋର ମହାନ୍ତି ଅଭିଯୋଗ କରିଛନ୍ତି ।
ଅନେକ ଜିଲ୍ଲାରେ ଏହି ପାଣ୍ଠି ଖର୍ଚ୍ଚ ଲାଗି ଟ୍ରଷ୍ଟ ବୋର୍ଡ ହୋଇନି। ତେବେ ଟ୍ରଷ୍ଟ ବୋର୍ଡ ନଥାଇ କୋଟିକୋଟି ଟଙ୍କା କେମିତି ଆଉ କେଉଁ ଆଧାରରେ ଖର୍ଚ୍ଚ ହେଉଛି ବୋଲି ବିଧାୟକ ପ୍ରଶ୍ନ କରିଥିଲେ ।
ତେବେ ଡିଏମ୍ଏଫ୍କୁ ସ୍ଥାନୀୟ ଅଞ୍ଚଳରେ କିପରି ଭାବେ ବିନିଯୋଗ କରାଯିବ, ସେନେଇ ଜିଲ୍ଲାପାଳଙ୍କୁ ଚିଠି ଲେଖିବାକୁ ମନ୍ତ୍ରୀଙ୍କୁ ବାଚସ୍ପତି ନିର୍ଦ୍ଦେଶ ଦେଇଛନ୍ତି । ପାଣ୍ଠି ବିନିଯୋଗ ଗାଇଡ୍ଲାଇନ୍ର ଯେପରି ଉଲଂଘନ ନହୁଏ, ସେଥିପ୍ରତି ଦୃଷ୍ଟି ଦେବାକୁ କହିଛନ୍ତି ।
