ବିଗୁଡୁଛି ମାଲଦ୍ବୀପର ପର୍ଯ୍ୟଟନ ଶିଳ୍ପ, ଚୀନକୁ ନିବେଦନ କଲେ ରାଷ୍ଟ୍ରପତି

ମାଲେ: ନିଜ ଦେଶକୁ ଅଧିକରୁ ଅଧିକ ପର୍ଯ୍ୟଟକ ପଠାଇବା ପାଇଁ ଚୀନ୍କୁ ନିବେଦନ କରିଛନ୍ତି ମାଳଦ୍ୱୀପ ରାଷ୍ଟ୍ରପତି ମହମ୍ମଦ ମୋଇଜୁ । ଚୀନର ଏକ ସରକାରୀ ଗସ୍ତରେ ଆସିଥିବା ମୋଇଜୁ ମାଳଦ୍ୱୀପ ବିଜନେସ୍ ଫୋରମ୍କୁ ସମ୍ବୋଧିତ କରିଥିଲେ । ସେ ଚୀନ୍କୁ ମାଳଦ୍ୱୀପର ନିକଟତମ ସହଯୋଗୀ ବୋଲି କହିଛନ୍ତି । ସେ କହିଛନ୍ତି ଯେ ଚୀନ୍ ଆମର ନିକଟତମ ସହଯୋଗୀ ତଥା ବିକାଶ ଭାଗିଦାରୀ ମଧ୍ୟରୁ ଅନ୍ୟତମ ।

ଭାରତ ବିରୋଧରେ ମାଳଦ୍ୱୀପ ମନ୍ତ୍ରୀଙ୍କ ଆପତ୍ତିଜନକ ମନ୍ତବ୍ୟ ମହଙ୍ଗା ପଡ଼ିଛି । ଭାରତୀୟ ପର୍ଯ୍ୟଟକମାନେ ମାଳଦ୍ୱୀପ ଗସ୍ତ ବାତିଲ କରିବା ଘଟଣାପରେ ମୋଇଜୁ ଏହି ଅପିଲ ଆସିଛି । ଏହି ବିବାଦ ଏବେ ଅଧିକ ହେବାରେ ଲାଗିଛି । ପ୍ରଧାନମନ୍ତ୍ରୀ ମୋଦୀଙ୍କୁ ନେଇ ଆପତ୍ତିଜନକ ଟିପ୍ପଣୀ କରିଥିବା ମନ୍ତ୍ରୀଙ୍କ ବିରୋଧରେ ମାଳଦ୍ୱୀପ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ ବି ସବୁ ବିବାଦ ମଧ୍ୟରେ ମାଳଦ୍ୱୀପ ପର୍ଯ୍ୟଟନକୁ ବଡ଼ ଝଟକା ଲାଗିଛି ।

ଭାରତୀୟମାନେ ନିଜର ମାଳଦ୍ୱୀପ ଟ୍ରିପକୁ ରଦ୍ଦ କରୁଛନ୍ତି । ମାଳଦ୍ୱୀପ ପରିବର୍ତ୍ତେ ଲାକ୍ଷାଦ୍ୱୀପ ବୁଲିଯିବା ପାଇଁ ଅପିଲ୍ କରାଯାଉଛି । ଏବେ ସୁଦ୍ଧା ମାଳଦ୍ୱୀପ ପାଇଁ ୧୦ ହଜାର ୫୦୦ ହୋଟେଲ ବୁକିଂ ଏବଂ ୫ ହଜାର ୫୨୦ ଫ୍ଲାଇଟ୍ ଟିକେଟ ବାତିଲ କରାଯାଇଛି ।