ଭିଜିଲାନ୍ସ ଜାଲରେ ଇଡକୋ ଚିଫ୍ ଜେନେରାଲ ମ୍ୟାନେଜର

ଭୁବନେଶ୍ବର: ଭିଜିଲାନ୍ସ ଜାଲରେ ଇଡକୋ ଚିଫ ଜେନେରାଲ ମ୍ୟାନେଜର । ଓଏଏସ ସରୋଜକାନ୍ତ ମହାନ୍ତିଙ୍କ ଉପରେ ଭିଜିଲାନ୍ସର ଛାପା । ସ୍ପେଶାଲ ଜଜ୍ ଭିଜିଲାନ୍ସ ଙ୍କ ନିର୍ଦ୍ଦେଶ କ୍ରମେ ଚାଲିଛି ଚଢ଼ାଉ । ଭୁବନେଶ୍ୱର, କଟକ ଓ ଯାଜପୁର ର ୭ ଟି ସ୍ଥାନରେ ମାରାଥନ ରେଡ଼ ।ଚନ୍ଦ୍ରଶେଖରପୁର ଶୈଳଶ୍ରୀ ବିହାର ପ୍ଲଟ ନମ୍ବର GA 437ରେ ଥିବା ୩ ବିଏଚକେ ଘର, ବାରଙ୍ଗ ପାଟପୁର ରେ ୩ ମହଲା ଫ୍ଲାଟ, ଧର୍ମଶାଳା ବ୍ରହ୍ମବରଦା ସ୍ଥିତ ପୈତୃକ ଘର, କଟକ ମହାନଦୀ ବିହାର ରେ ଥିବା ୩ ମହଲା ଫ୍ଲାଟ, ଯାଜପୁର ଜାରକା ସ୍ଥିତ ଘର, ନୟାପଲ୍ଲୀ ଆଇଆରସି ଭିଲେଜ N4 ରେ ସମ୍ପର୍କୀୟଙ୍କ ଘର, ଇଡ୍କୋ ଅଫିସ ଚାମ୍ବର ରେ ଏକାକାଳୀନ ରେଡ଼ ଚାଲିଛି । ତାଙ୍କ ନାଁରେ ୧୦ଟି ଫ୍ଲାଟ ରହିଛି  । ସେଥିରୁ ୭ଟି କେବଳ ଭୁବନେଶ୍ବର ଓ କଟକରେ ରହିଛି  । ଏଥିସହ ବ୍ୟାଙ୍କ ଜମା, ବୀମାକୁ ମିଶା ୭୦ ଲକ୍ଷ ୫୫ ହଜାର ଟଙ୍କା ହେବ  । ଗୋଟିଏ ୪ ଚକିଆ ଗାଡ଼ି ଏବଂ ଦୁଇଟି ବାଇକ ମଧ୍ୟ ସିଜ କରାଯାଛି  । ୧୦ ଡିଏସପିଙ୍କ ନେତୃତ୍ୱରେ ୬ ଇନ୍ସପେକ୍ଟର ଚଢ଼ାଉ ଜାରି ରଖିଛନ୍ତି। 5T ଅଧୀନରେ ଭିଜିଲାନ୍ସ ଆସିବା ପରେ ଦୁର୍ନୀତିଖୋରଙ୍କ ବିରୋଧରେ ଜିରୋ ଟଲରାନ୍ସ ନୀତି ଅବଲମ୍ବନ କରାଯାଉଛି।