ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା କରୁଛି ସ୍ବାବଲମ୍ବୀ

କେନ୍ଦ୍ରାପଡା : ମୁଖ୍ୟମନ୍ତ୍ରୀ କୃଷୀ ଉଦ୍ୟୋଗ ଯୋଜନା ଦେଇଛି ଆଶାର କିରଣ। ମହାକାଳପଡା ଅଞ୍ଚଳର ଅନେକ ମହିଳା ଏବଂ ଯୁବକମାନେ ଏହି ଯୋଜନାକୁ ସଠିକ ଭାବରେ କାର୍ଯ୍ଯରେ ଲଗାଇ ହୋଇଛନ୍ତି ସ୍ବାବଲମ୍ବୀ। ବଉଳକଣି ପଞ୍ଚାୟତ ବଡତୋଟା ଛପାଲି ଗାଁର ଏସ.କେ ସାଜିଦ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନାରେ ବୈଜ୍ଞାନିକ ପଦ୍ଧତିରେ ଅଣ୍ଡାରୁ କଲର ବାର୍ଡ ଚିଆଁ ପ୍ରସ୍ତୁତ କରୁଛନ୍ତି। ଆଗରୁ ସାଜିଦ ଭଡା ସୁତ୍ରରେ ମେସିନ ନେଇ ମାତ୍ର ୫ ହଜାର ଚିଆଁ ବସାଉଥିଲେ। ପରେ ବ୍ୟାଙ୍କରୁ ଲୋନ ଆଣି ୭୫ ଲକ୍ଷ ଟଙ୍କାର ଆବଶ୍ୟକୀୟ ଯନ୍ତ୍ରାଂଶ ଆଣି ହାଚେରୀ ପ୍ରସ୍ତୁତ କରିଥିଲେ।

ସାଜିଦ ନିଜ ଅଞ୍ଚଳ ସହିତ ବାହାର ଜିଲ୍ଲାର ୧୫ ଜଣ ଯୁବକଙ୍କୁ ତାଙ୍କ ହାଚେରୀରେ କାମ ଦେଇଛନ୍ତି। ସାଜିଦଙ୍କ ଏହି ହାଚେରୀ କାମ କରୁଥିବା ସମସ୍ତ ଯୁବକମାନେ ବେଶ ଖୁସି । ସାଜିଦଙ୍କୁ ଏହି ସଫଳତା ପାଇଁ ମତ୍ସ୍ଯ ଓ ପ୍ରାଣୀସମ୍ପଦ ବିଭାଗ ପୁକ୍ଷରୁ ସମ୍ବର୍ଦ୍ଧିତ କରାଯାଇଛି। ମହାକାଳପଡା ଅଞ୍ଚଳରେ ଜଣେ ସଫଳ ଚାଷୀ ଭାବରେ ପରିଚିତ ହେବା ସହିତ ଅନ୍ୟ ମାନଙ୍କ ପାଇଁ ଉଦାହରଣ ସାଜିଛନ୍ତି। ସାଜିଦଙ୍କ ଉଦ୍ୟମ ଅନ୍ଯ ମାନଙ୍କୁ ଦେଖାଇଛି ରୋଜଗାରର ରାସ୍ତା।