ଟନେଲରେ ଫସିଥିବା ଓଡିଶା ଶ୍ରମିକଙ୍କ ପରିବାରକୁ ଉତ୍ତରାଖଣ୍ଡ ପଠାଇଲେ ନବୀନ ସରକାର

ସମ୍ବଲପୁର: ଉତ୍ତରାଖଣ୍ଡ ଟନେଲରେ ଫସିଥିବା ଓଡିଶାର ୫ ଜଣ ଶ୍ରମିକଙ୍କ ପାଇଁ ତତ୍ପର ଅଛି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ । ଏଠାରୁ ଯାଇଥିବା ଅଧିକାରୀଙ୍କ ସହ ସିଧାସଳଖ ଯୋଗାଯୋଗରେ ଅଛନ୍ତି । ଉଦ୍ଧାର କାର୍ଯ୍ୟ ସରିଲା ମାତ୍ରେ ଶ୍ରମିକଙ୍କୁ ତୁରନ୍ତ ମେଡିକାଲରେ ଭର୍ତ୍ତି କରାଯିବ । ସବୁ ଶ୍ରମିକଙ୍କ ପାଇଁ ଗୋଟିଏ ଲେଖାଏଁ ଆମ୍ବୁଲାନ୍ସ ପ୍ରସ୍ତୁତ ରହିଛି । ଖୁବଶୀଘ୍ର ଭଲ ଖବର ଆସିବ ବୋଲି ଆଶା କରାଯାଉଛି ବୋଲି କହିଛନ୍ତି ଶ୍ରମମନ୍ତ୍ରୀ ସାରଦା ନାୟକ ।

ଅନ୍ୟପଟେ ଜିଲ୍ଲା ଶ୍ରମ ବିଭାଗ ପକ୍ଷରୁ ନବରଙ୍ଗପୁରର ଶ୍ରମିକ ଭଗବାନ ଭତ୍ରାଙ୍କ ଭାଇ, ବାସୁଦେବପୁରର ତପନ ମଣ୍ଡଳଙ୍କ ସମ୍ପର୍କୀୟ ଏବଂ ମୟୁରଭଞ୍ଜର ଦୁଇ ଶ୍ରମିକଙ୍କ ସମ୍ପର୍କୀୟଙ୍କୁ ଉତ୍ତରକାଶୀ ପଠାଉଛି ଶ୍ରମ ବିଭାଗ ।

ସେପଟେ ଶ୍ରମିକଙ୍କୁ ଟନେଲରୁ ଉଦ୍ଧାର କରିବାକୁ ସମ୍ବଲପୁରରୁ ଗଲା ଅଗର ମେସିନ । ମେସିନଟି ଏକ ଘରୋଇ ସଂସ୍ଥାର ଯିଏ ହୀରାକୁଦ ହିଣ୍ଡଲକୋ କମ୍ପାନୀରେ କାମ କରୁଛି  । ଏହି ମେସିନ ହୀରାକୁଦରେ ଥିବା ଜଣାପଡିବା ପରେ ଉକ୍ତ ସଂସ୍ଥାର ମାଲିକଙ୍କୁ ଯୋଗାଯୋଗ କରି ମେସିନକୁ ହୀରାକୁଦରୁ ଟ୍ରେନ ଯୋଗେ ରାୟପୁରକୁ ନିଆଯାଇଥିଲା । ସେଠାରୁ ପୁଣି ଟ୍ରେଲର ସାହାଯ୍ୟରେ ମେସିନକୁ ଗୁୱାଲିୟର ଦେଇ ଗ୍ରୀନକରିଡରରେ ଟନେଲ ନିକଟକୁ ନିଆଯାଇଛି ।