ନୟାଗଡ଼ରେ ପୁଣି କଙ୍ଗାରୁ କୋର୍ଟ ବର୍ବରତା

ନୟାଗଡ଼: ନୟାଗଡ଼ରେ ପୁଣି କଙ୍ଗାରୁ କୋର୍ଟ ବର୍ବରତା । ଜବରଦଖଲ ଉଚ୍ଛେଦ ନାଁରେ ଆଇନକୁ ହାତକୁ ନେଲେ ଗ୍ରାମବାସୀ । ଜୋରଜବରଦସ୍ତ ଘର ଭାଙ୍ଗିବା ସହ ପରିବାର ଲୋକଙ୍କୁ ମାଡ଼ ମରାଯାଇଥିବା ଅଭିଯୋଗ ହୋଇଛି । ନୟାଗଡ଼ ଜିଲ୍ଲା ସଦର ଥାନା ଅନ୍ତର୍ଗତ ଦେଉଳୀ ଗାଁରେ ଏଭଳି ଅଭାବନୀୟ ଘଟଣା ଘଟିଛି । ଅଭିଯୋଗ ଅନୁସାରେ ଭାସ୍କର ସାହୁ ଗାଁ କୋଠ ଜମିରେ ଆଇସକ୍ରିମ ଫ୍ୟାକ୍ଟ୍ରି କରିଥିଲେ । ଗାଁ ଜାଗାରେ ଫ୍ୟାକ୍ଟ୍ରି କରିଥିବାରୁ ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା ।

ପରେ ଗ୍ରାମବାସୀ ଭାସ୍କରଙ୍କର ଆଇସକ୍ରିମ ଫାକ୍ଟ୍ରିଙ୍କୁ ଭାଙ୍ଗିଦେଇଥିଲେ। ଭାସ୍କରଙ୍କ ଅଭିଯୋଗ ଅନୁସାରେ ସୋସିଆଲ ମିଡିଆରେ ତାଙ୍କର ଝିଅର ଏକ ଫଟୋ ଭାଇରାଲ ହୋଇଥିଲା । ଏନେଇ ସେ ସଦର ଥାନାରେ ଅଭିଯୋଗ କରିଥିଲେ । ଥାନାରେ ଅଭିଯୋଗ କରିଥିବାରୁ ଗାଁ ଲୋକ ତାଙ୍କୁ ବିରୋଧ କରିଥିବା ଅଭିଯୋଗ ହୋଇଛି । ଏପରିକି ତାଙ୍କ ଘର ଉପରକୁ ଟେକା ପଥର ମାଡ଼ କରାଯାଇଥିବା ଥାନାରେ ଅଭିଯୋଗ କରିବା ସହ ଏସପିଙ୍କୁ ଭେଟି ନ୍ୟାୟ ପାଇଁ ଅନୁରୋଧ କରିଛନ୍ତି । ପୋଲିସ ଗାଁରେ ପହଞ୍ଚି ଲୋକଙ୍କୁ ବୁଝାସୁଝା କରୁଛି ।