ବିଶ୍ବକପ୍: ଟସ୍ ଜିତି ଭାରତର ବ୍ୟାଟିଂ ନିଷ୍ପତ୍ତି

ବେଙ୍ଗାଲୁରୁ: ଚଳିତ ବିଶ୍ବକପର ଶେଷ ଲିଗ୍ ମ୍ୟାଚ୍ । ଭାରତ ଓ ନେଦରଲାଣ୍ଡସ ମଧ୍ୟରେ ଚାଲିଛି ଟକ୍କର । ଟସ ଜିତି ପ୍ରଥମେ ବ୍ୟାଟିଂ କରୁଛି ଭାରତ । ଆଜିର ମ୍ୟାଚ୍ ଜିତି ଅପରାଜେୟ ରହିବାକୁ ଲକ୍ଷ୍ୟ ରଖିଛି ଟିମ ଇଣ୍ଡିଆ ।

କୋହଲି ୫୦ତମ ଶତକ କରି ରେକର୍ଡ କରିବା ଲକ୍ଷ୍ୟ ରଖିଛନ୍ତି । ଆନ୍ତର୍ଜାତିକ ଦିନିକିଆରେ ୫୦ ତମ ଶତକ କଲେ ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିବେ ବିରାଟ କୋହଲି । ସେପଟେ ବିଶ୍ବକପରେ ସମସ୍ତ ୮ ଲିଗ୍ ମ୍ୟାଚ ଜିତିଥିବା ଭାରତ ଆଜିର ମ୍ୟାଚ୍ ଜିତି ଅପରାଜେୟ ରହିବାକୁ ଲକ୍ଷ୍ୟ ରହିଛି । ଆଜିର ମ୍ୟାଚ୍ ଜିତି ସେମିଫାଇନାଲରେ ପୂର୍ଣ୍ଣ ଆତ୍ମବିଶ୍ବାସ ସହ ପଡ଼ିଆକୁ ଓହ୍ଲାଇବ ଟିମ ଇଣ୍ଡିଆ । ସେମିରେ ନ୍ୟୁଜିଲାଣ୍ଡ ସହ ହେବ ଟକ୍କର । ଭାରତୀୟ ଟିମ ଅପରିବର୍ତ୍ତିତ ରହିଛି । ୪ ସ୍ପେଶାଲିଷ୍ଟ ବୋଲରଙ୍କୁ ନେଇ ଖେଳିୁଛି ଟିମ ଇଣ୍ଡିଆ ।

ଆସନ୍ତା ୧୫ ତାରିଖରେ ପ୍ରଥମ ସେମିଫାଇନାଲରେ ନ୍ୟୁଜିଲାଣ୍ଡ କୁ ଭେଟିବ ଭାରତ । ୧୬ ନଭେମ୍ବରରେ ଦ୍ବିତୀୟ ସେମିଫାଇନାଲ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ । ସେହିପରି ବିଶ୍ବକପ ଫାଇନାଲ ୧୯ ନଭେମ୍ବରରେ ଖେଳାଯିବ ।