ଖୋର୍ଦ୍ଧା ସହରର ୫ ଭେଣ୍ଡିଂ ଜୋନକୁ ମିଳିଲା ମୁଖ୍ୟମନ୍ତ୍ରୀଙ୍କ ମଞ୍ଜୁରୀ

ଭୁବନେଶ୍ୱର: ହଟିବ ଅସ୍ଥାୟୀ କ୍ୟାବିନ୍ । ନିର୍ମାଣ ହେବ ଭେଣ୍ଡିଂ ଜୋନ। ଖୋର୍ଦ୍ଧା ସହରରେ ୫ ଭେଣ୍ଡିଂ ଜୋନକୁ ମିଳିଛି ମୁଖ୍ୟମନ୍ତ୍ରୀଙ୍କ ମଞ୍ଜୁରୀ। ୮କୋଟି ୭୯ଲକ୍ଷ ଟଙ୍କା ବ୍ୟୟରେ ହେବ ୨୬୬ଟି ଦୋକାନ ଘର। ମୁଖ୍ୟମନ୍ତ୍ରୀଙ୍କ ସ୍ବୀକୃତି ପରେ ଏହାକୁ ନେଇ ବ୍ୟବସାୟୀଙ୍କ ମଧ୍ୟରେ ଖେଳିଯାଇଛି ଖୁସି । ମୁଖ୍ୟମନ୍ତ୍ରୀ ଓ ଫାଇଭ-ଟି ଅଧ୍ୟକ୍ଷ ଭି.କେ ପାଣ୍ଡିଆନଙ୍କୁ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଅବସରରେ ଜଣାଇଥିଲେ ବ୍ୟବସାୟୀ । ଏବେ ବ୍ୟବସାୟୀଙ୍କ ଦୁଃଖ ଦୂର ହୋଇଛି ।

୫୦ ବର୍ଷ ଧରି ଲାଗି ରହିଥିବା ସମସ୍ୟାର ହେଲା ସମଧାନ। ରହିବ ମୋଟ ୨୬୬ ଦୋକାନ ଗୃହ । ସମସ୍ୟାର ସମାଧାନ କରିବାକୁ ପ୍ରତିଶ୍ରୁତି ଦେଇଥିଲେ ଫାଇଭ-ଟି ଅଧ୍ୟକ୍ଷ ଭି.କେ ପାଣ୍ଡିଆନ । ଏଥିଲାଗି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଫାଇଭ-ଟି ଅଧ୍ୟକ୍ଷ ଭି କେ ପାଣ୍ଡିଆଙ୍କୁ ଧନ୍ୟବାଦ ଜଣାଇଛନ୍ତି ଖୋର୍ଦ୍ଧା ପୌରାଧ୍ୟକ୍ଷା । ସରକାରଙ୍କ ଏହି ନିଷ୍ପତ୍ତିରେ ସମସ୍ତ ବ୍ୟବସାୟୀ ଖୁସିଥିବା ସେ କହିଛନ୍ତି।

କ୍ୟାବିନ ସହର ଆଖ୍ୟା ପାଇଥିଲା ଐତିହାସିକ ଖୋର୍ଦ୍ଧା ସହର । ମୁଖ୍ୟମନ୍ତ୍ରୀ ଏବଂ ଫାଇଭ-ଟି ଅଧ୍ୟକ୍ଷ ଭି.କେ ପାଣ୍ଡିଆନଙ୍କ ଏହି ନିଷ୍ପତ୍ତି ପରେ ବ୍ୟବସାୟୀଙ୍କ ବହୁ ଦିନର ଚିନ୍ତା ଦୂର ହୋଇଛି। ଭେଣ୍ଡି ଜୋନ ନିର୍ମାଣ ପରେ ଖୋର୍ଦ୍ଧା ପାଇବ ନୂଆ ପରିଚୟ। ଦୀପାବଳି ଅବସରରେ ଏହି ମଞ୍ଜୁରୀ ମିଳିଥିବାରୁ ବ୍ୟବସାୟୀ ଖୁସି ପ୍ରକାଶ କରିଛନ୍ତି । ଖୋର୍ଦ୍ଧା ସହରରେ ଏହି ପ୍ରକଳ୍ପ କାର୍ଯ୍ୟକାରୀ ହେଲେ ବ୍ୟବସାୟୀଙ୍କ ଜୀବନଧାରାରେ ପରିବର୍ତ୍ତନ ଘଟିବ ।