ଆରବିଆଇରେ ଡିପୋଜିଟ ହେଉଛି କାହାର ଟଙ୍କା ?
1 min read
ଭୁବନେଶ୍ୱର : ଆରବିଆଇରେ ଡିପୋଜିଟ ହେଉଛି କାହାର ଟଙ୍କା । ଆଜି ବି ୨ ହଜାର ଟଙ୍କିଆ ନୋଟ ବଦଳାଇବାକୁ ଲାଗିଛି ଗହଳି । ଅନ୍ୟର ଟଙ୍କା ଆଣି ବଦଳାଇ କମିଶନ ନେଉଥିବା କିଛି ବ୍ୟକ୍ତି ଖୋଲାଖୋଲି ପ୍ରକାଶ କରିଛନ୍ତି । ତେବେ କାହାର ଏ ଟଙ୍କା, କିଏ ସେମାନଙ୍କୁ ଟଙ୍କା ଦେଇ ଲାଇନରେ ଠିଆ କରିଛି ତାର ତନାଘନା କରାଯାଉଛି । ପୂର୍ବରୁ ଇଡ଼ି ଓ ଇଓଡବ୍ଲୁ ଆରବିଆଇ ସମ୍ମୁଖରେ ପହଞ୍ଚି ତନାଘନା କରିଛନ୍ତି । ଟଙ୍କା ବଦଳ କରୁଥିବା ଲୋକଙ୍କ ତଥ୍ୟ ନେଇଛି ଇଓଡବ୍ଲୁ ଓ ଇଡି । କିଏ କେତେଥର ଟଙ୍କା ବଦଳ କରିଛନ୍ତି ତାର ତଥ୍ୟ ନେଇଛି ତଦନ୍ତକାରୀ ଟିମ୍ । ଆରବିଆଇ ତଥ୍ୟ ସହ ଗତ ୫ ଦିନର ସିସିଟିଭି ଫୁଟେଜ୍ ଇଡି ଓ ଇଓଡବ୍ଲୁକୁ ପ୍ରଦାନ କରିଛି । RBI ଆଞ୍ଚଳିକ ନିର୍ଦ୍ଦେଶକ ସାରଦା ପ୍ରସନ୍ନ ମହାନ୍ତି କହିଛନ୍ତି ଗଣମାଧ୍ୟମରେ ଖବର ପ୍ରସାରଣ ପରେ ବଢ଼ିଛି ବ୍ୟାଙ୍କ ଆକାଉଣ୍ଟରେ ୨ ହଜାର ଟଙ୍କିଆ ନୋଟ ଜମା । ପୂର୍ବରୁ ମାତ୍ର ୫ ପ୍ରତିଶତ ଟଙ୍କା ବ୍ୟାଙ୍କ ଆକାଉଣ୍ଟରେ ଜମା ହେଉଥିଲା । 
ଏହି ଖବର ପଢନ୍ତୁ : ଜାନୁଆରୀ ୧୭ତାରିଖରେ ହେବ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ପ୍ରତିଷ୍ଠା
ଏବେ ଏହା ୨୫ରୁ ୩୦ ପ୍ରତିଶତକୁ ବଢ଼ିଛି । ଗତକାଲି ୧୪୦ ଜଣ ବ୍ୟାଙ୍କ ଆକାଉଣ୍ଟରେ ଟଙ୍କା ଜମା କରିଛନ୍ତି । ପୋଷ୍ଟାଲ ମାଧ୍ୟମରେ ମଧ୍ୟ ୨ ହଜାର ଟଙ୍କିଆ ଜମା କରିପାରିବେ ଲୋକେ । ପ୍ରତିଦିନ ଏକ କୋଟିରୁ ଦେଇକୋଟି ଟଙ୍କାର ଦୁଇ ହଜାର ଟଙ୍କିଆ ଜମା ହେଉ ଥିବା RBI ଆଞ୍ଚଳିକ ନିର୍ଦ୍ଦେଶକ ସୂଚନା ଦେଇଛନ୍ତି ।
